Ո՞ր հիվանդություններն է հնարավոր հայտնաբերել գաջեթների միջոցով
ՀԱՍԱՐԱԿՈՒԹՅՈՒՆ
Գաջեթները, որոնք կարող են չափել տարբեր բժշկական ցուցանիշները, կարող են օգտակար լինել մի շարք հիվանդությունների վաղ հայտնաբերման համար: Այս մասին «Փրայմ» գործակալության հետ զրույցում ասել է Լոմոնոսովի անվան Մոսկվայի պետական համալսարանի ԲԳԿԿ-ի ռիթմի եւ հաղորդունակության խանգարումների գիտական բաժնի վարիչ, պրոֆեսոր Անդրեյ Արդաշեւը:
Օրինակ, Apple Watch-ում հասանելի «ԷԿԳ» հավելվածը, ըստ նրա, գրանցում է սրտի բաբախյունը եւ սրտի ռիթմը էլեկտրական սարքի միջոցով: Էլեկտրակարդիոգրամայի արդյունքները կարող են փոխանցվել բուժող բժշկին, ով կարող է գնահատել հիվանդի սրտի վիճակը: Այս տվյալների միջոցով կարելի է որոշել սինուսային առիթմիան, մարցետալ առիթմիան, ինչպես նաեւ ցածր կամ բարձր պուլսը:
«Էլեկտրոնային սարքերը, որոնք կարելի է կրել, մասնավորապես` խելացի ժամացույցները, թարթուն առիթմիայի երկարաժամկետ գնահատման եւ էժան ու հարմար ախտորոշման հնարավորություն են ընձեռում»,- ասել է փորձագետը:
Մասնագետի խոսքով` ժամանակակից բժշկության մեջ կա երկու հիմնական ուղղություն, որոնք կապված են մարդու մարմնի հետ փոխգործակցող համակարգերի օգտագործման հետ: Առաջինը ոչ ինվազիվ սարքերն են, որոնք կարող են չափել եւ նախազգուշացնել խնդրի մասին: Դրանց թվին են պատկանում բջջային հեռախոսները, ժամացույցները, ապարանջանները եւ նույնիսկ ավտոմեքենայի մեջ ներկառուցված որոշ օպցիաներ:
Երկրորդ խմբին են պատկանում իմպլանտները, որոնք կարող են ինքնուրույն թերապիա իրականացնել: Խոսքը, օրինակ, կարդիոստիմուլյատորների եւ իմպլանտացվող դեֆիբրիլյատորների մասին է, որոնք կարող են ինչպես ճանաչել, այնպես էլ բուժել ազդանշանը: Այդպիսի գաջեթները, իհարկե, թանկ են եւ վիրաբուժական միջամտություն են ենթադրում մասնագիտացված բժշկական հաստատությունների պայմաններում` իրավական եւ նյութական պատասխանատվությամբ:
«Հասարակության ծերացումը եւ երկարակյաց եւ հիվանդ մարդկանց թվի աճը մոլորակի վրա բժշկության մեջ պատվաստվող սարքերի օգտագործման անհրաժեշտությունը թելադրող հիմնական պատճառն են»,- ընդգծել է Արդաշեւը:
