Փորձագետը նշել է սմարթֆոնը կոտրելու ոչ ակնհայտ նշանները
ՀԱՍԱՐԱԿՈՒԹՅՈՒՆ
kp.ru-ն գրում է, որ «Ինտելեկտուալ ռեզերվ» ընկերության տնօրեն Պավել Մյասոեդովը պատմել է սմարթֆոնը կոտրելու ոչ ակնհայտ նշանների մասին: Այն մասին, որ ձեր հեռախոսը կոտրել են, կարող են վկայել սարքի դանդաղ աշխատանքը, մարտկոցի արագ լիցքաթափվելը և հեռախոսոի պարբերաբար «կախվելը»:
Փորձագետը բացատրել է, որ կիբեռհանցագործները հաճախ են կոտրում սմարթֆոնները, օգտագործելով վնասակար ծրագրեր, որոնք այնտեղ են մտցվում «համացանցի կամ ուրիշի համակարգչի հետ լարային կապի միջոցով, օրինակ ոչ պաշտոնական սպասարկման կետերում հեռախոսը ախտորոշելիս»:
Միևնույն ժամանակ, ինչպես նշել է մասնագետը, հակերները փորձում են աննկատ մտնել հեռախոս, ինչի համար նրանք մշակում են ծրագրեր, որոնք պահանջկոտ չեն սարքի աշխատանքի և մարտկոցի լիցքավորման համար: Որոշ ժամանակ, ըստ գաջեթի աշխատանքի, հնարավոր է, որ չհասկացվի, որ այն կոտրել են, և ահազանգի միակ ազդանշանները կարող են լինել հավելվածներից, բանկերից և սոցիալական ցանցերից ստացվող տարբեր ծանուցումները:
«Օրինակ, դուք կարող եք հաղորդագրություններ ստանալ այն մասին, որ եղել են մուտքեր հաճախորդի բանկ կամ սոցիալական ցանցեր այն ժամանակ, երբ քնած եք կամ այլ գործով եք զբաղված»,- ասել է փորձագետը Prime գործակալությանը տված հարցազրույցում:
Հակերությունից պաշտպանվելու համար փորձագետը խորհուրդ է տվել «տեղադրել ծրագրեր միայն վստահելի աղբյուրներից և չմիանալ անծանոթ համակարգիչներին»: Իսկ եթե կասկածներ կան, որ դա արդեն տեղի է ունեցել, պետք է թեժ գծով զանգահարել սարքի արտադրողին կամ վաճառողին, որտեղ ձեզ կհուշեն, թե «որտեղ կարող եք կատարել ճիշտ ախտորոշում և մաքրել հեռախոսը չարամիտ ծրագրերից»:
Նյութը հրապարակման պատրաստեց Կամո Խաչիկյանը
