Միայն ես ու դու, էլ չկա ոչինչ մեզ համար, միայն ես ու դու
ՔԱՂԱՔԱԿԱՆՈՒԹՅՈՒՆ
2019թ.-ի հակակոռուպցիոն ռազմավարությամբ որոշվել էր, որ պետք է ստեղծվի հակակառուպցիոն մեկ մարմին, որի ստեղծմամբ էլ մյուս բոլոր մարմիններում՝ Ազգային անվտանգության ծառայությունում, Հատուկ քննչական ծառայությունում, Քննչական կոմիտեում եւ Պետեկամուտների կոմիտեում, պետք է կրճատվեն կոռուպցիոն հանցագործություններ քննող հաստիքները եւ փոխանցվեն Հակակոռուպցիոն կոմիտեին:
Ըստ մամուլի` նորաստեղծ քննչական մարմինը կղեկավարի հայ հանրությանը քաջ հայտնի Արգիշտի Քյարամյանը, ով անակնկալ ազատվեց ԱԱԾ տնօրենի պաշտոնից եւ այժմ Քննչական կոմիտեի փոխնախագահն է։ Կենտրոնի աշխատակիցների քանակը լինելու է մոտ 150, այդ թվում՝ առնվանզ 30 քննիչ ու 60 օպերլիազոր։ Հակակոռուպցիոն կենտրոնի ստեղծման համար կառավարությունը 8 միլիարդ 203 միլիոն դրամ հատկացրեց, Կոմիտեի աշխատակիցների աշխատավարձն էլ մոտավոր կկազմի 650 հազար՝ առանց հարկերի, կոմիտեի նախագահինը՝ 700 հազարի չափ: Համեմատության համար` այսօր ԱԱԾ-ում հակառուպցիոն գործերով զբաղվող քննիչը ստանում է 300 հազարից պակաս աշխատավարձ՝ հարկերը հանած, այսինքն՝ ստեղծվելու է քննիչների մեջ անհավասար մրցակցային միջավայր: Դե ինչպես ասում են` չկա ծուխ առանց կրակ, մանավանդ որ Հայաստանը փոքր երկիր է ու երբեք մախաթը պարկի մեջ չի մնում: Այսինքն Արգիշտի Քյարամյանը կնշանակվի:
Քաղաքական տեսանկյունից վաղուց հետաքրքիր է Վարչապետ Նիկոլ Փաշինյանի համակրանքn առ Քյարամյան: Թե երիտասարդ պաշտոնյան ո՞ր արժանիքներով ու հմտություններով է շահել վարչապետի սիրտը, ոչ ոք չգիտի: Սակայն մի տարում 7-8 անգամ պաշտոնի նշանակել և ազատել նույն մարդուն առնվազն լուրջ չէ, եթե չասենք երկրի թիվ մեկ պաշտոնյայի կողմից ծաղր է պետական կառավարման համակարգի նկատմամբ: Ինչևէ, Արգիշտի Քյարամյանը այդուհանդերձ կնշանակվի նոր պաշտոնի, գրեթե կասկած չկա, բայց այս իշխանության օրոք հանրությունը չի իմանա Քյարամյանին պաշտոնի նշանակելու վարչապետի մոլուցքի մասին: Դրա իրական պատճառների մասին կիմանանք հետո: Իհարկե, կարելի է ենթադրություններ անել որոշակի փաստերի համադրությամբ, բայց դա այլ քննարկման թեմա է: Հիմա մի բան է հստակ` եթե Հայաստանից բոլորը հեռանան ու մնան Փաշինյանն ու Քյարամյանը, ապա գրեթե կասկած չկա` Փաշինյանն իրեն կկարգի Վարչապետ, իսկ Քյարամյանին փոխվարչապետ: Պետական ինստիտուտների վախճանը նաև այս կերպ է տեղի ունենում:
Անի Առաքելյան
