Փաշինյանական հերթական մանիպուլյացիան
ՔԱՂԱՔԱԿԱՆՈՒԹՅՈՒՆ
ՀՀ-ում շարունակվում է քաղաքական ճգնաժամը. ակնհայտ է, որ քաղաքական այն ինչ ներկայումս գոյույթուն ունի երկրում դասական քաղաքական փակուղի է:
Ըստ էության՝ ընդդիմության այն պահանջը, որ կառավարումը տապալած ղեկավարը պետք է հեռանա, շարունակում է մնալ առաջնային: Փաստացի ստեղծվել է մի իրավիճակ, երբ Նիկոլ Փաշինյանը ՀՀ-ում այլևս չունի իշխանություն, ինչպես նաև կոնկրետ քաղաքական հենարան: Չնայած այն փաստին, որ Փաշինյանն ամեն կերպ փորձում է ջանք չխնայել և հանրության մոտ տպավորություն ստեղծել, թե ինքն ամբողջովին տիրապետում է երկրի ներքին կյանքին և ընդհանուր իրավիճակ, ակնհայտ է, որ դա ընդամենը իմիտացիա է, և իրականության հետ ոչ մի աղերս չունի:
Օրերս իր ֆեյսբուքյան գրառմամբ Փաշինյանը խոսեց արտահերթ ընտրությունների անցկացման կարևորության մասին, ապա ընդգծեց, որ պատրաստ է քաղաքական հանդիպումների շարք սկսել արտախորհրդարանական և խորհրդարանական ուժերի հետ, որոնք այս օրերին բացահայտ պահանջում էին Փաշինյանի հրաժարականը:
Նախօրեին Փաշինյանը խորհրդարանում հանդիպումներ ունեցավ պառլամենտական ընդդիմության հետ, սակայն ոչ մի էական արդյունք չգրացեց, քանի որ և Գագիկ Ծառուկյանը և Էդմոն Մարուքյանը բացհայտ հայտարարեցին, որ Փաշինյանի հետ քննարկելու ոչ մի ընդհանուր բան չունեն՝ բացի նրա անհապաղ հրաժարականի հարցը:
Ըստ այդմ՝ տեսնելով, որ խորհրդարանական ուժերի հետ ոչ մի էական եզրեր չի գտնում՝ նա փորձեց թեմայի մեջ ներքաշել արտախորհրդարանական ուժերի հետ քաղաքական օրակարգ քննարկելու հարցը: Փաշինյանամերձ շրջապատը տարբեր լրատվականներով ու սոցցանցերով տեղեկատվություններ էին տարածվում, որ Փաշինյանը հանդիպել է Արթուր Վանեցյանի հետ և քաղաքական օրակարգի հետ կապված խնդիրներ քննարկել:
Ստացվում է, որ ամբողջովին տապալվելով խորհրդարանական ընդդիմադիր լիդերների հետ հանդիպման փաստը, իշխանությունները մանիպուլյատիվ ձևով փորձեցին շահարկել արտախորհրդարանական լիդերներից մեկի անունը: Ըստ էության՝ այս տեղեկատվությունը հերքվեց, քանի որ բացարձակ ապատեղեկատվություն էր և արվում էր հանրությանը մոլորության մեջ գցելու նպատակով: Հավելենք, որ Վանեցյանին հեղինակազրկման փորձ նախաձեռնած Փաշինյանն ու իր թիմն ավլի ճիշտ կլինեին, եթե սեփական հեղինակություն ու բարոյականությունը փրկելու համար ժամ առաջ հրաժարական ներկայացնեին:
Անդրանիկ Կիրակոսյան
