Պատմաբանը 12,5 տարով ազատազրկվել է ասպիրանտի սպանության համար
ՀԱՍԱՐԱԿՈՒԹՅՈՒՆՍանկտ Պետերբուրգի Օկտյաբրսկի շրջանային դատարանը պատմաբան Օլեգ Սոկոլովին մեղավոր է ճանաչել ասպիրանտ Անաստասիա Եշենկոյի սպանության և ապօրինի զենք պահելու համար: Հոդվածը վերցրել ենք «РИА Новости» կայքից:
Սոկոլովին 12,5 տարով ազատազրկել են խիստ ռեժիմով գաղութում: Դատավորը շեշտել է, որ պատմաբանը գիտակցաբար է սպանություն գործել:
2019 թվականի նոյեմբերին, Սանկտ Պետերբուրգի պետական համալսարանի (արդեն նախկին) դոցենտը տրավմատիկ ատրճանակով կրակել է իր 24-ամյա ասպիրանտին, իսկ մի քանի օր անց, մարմնից ազատվելու համար, մասնատել է այն: Մնացորդները Մոյկա գետ գցելու փորձի ժամանակ, սակայն, նա սայթաքել, ընկել է ջուրը: Փրկարարները գետից դուրս են բերել 63-ամյա տղամարդուն և ուսապարկը, որի մեջ տրավմատիկ ատրճանակ և կտրատված կանացի ձեռքեր են եղել:
Պարզվել է, որ ասպիրանտը եղել է Սոկոլովի սիրած կինը. նրանք միասին ապրել են պատմաբանի՝ Մոյկայի գետափին գտնվող բնակարանում:
Սոկոլովի համաձայն՝ Անաստասիայի հետ վեճի դրդապատճառը եղել է խանդը: Ավելի ուշ նա ասել է, որ ցանկացել է հանգստացնել հիստերիայի վիճակում գտնող աղջկան և օդ է կրակել, բայց փամփուշտը պատահաբար դիպել է նրա գլխին:
