Գիտնականները հայտնաբերել են կորոնավիրուսային վարակի ծանր արտահայտված ընթացքի երկու փուլ

Գոյություն ունի կորոնավիրուսային վարակի ծանր արտահայտված ընթացքի երկու փուլ, ինչպես բացահայտել են ամերիկացի գիտնականները: COVID-19-ով պացիենտների մահը նկարագրող իրենց հոդվածը նրանք հրապարակել են Nature Communications գիտական պարբերականում:

Հասկանալու համար, թե հենց կորոնավիրո՞ւսն է ազդում օրգանիզմի վրա, Massachusetts General Hospital-ի մասնագետներն ուսումնասիրել են COVID-19-ի հետեւանքով մահացած 24 պացիենտի դիահերձման նյութերը: Դա նրանց հնարավորություն է տվել վիզուալիզացնել SARS-CoV-2-ի դիրքը կորոնավիրուսով վարակվածների թոքերի նմուշներում:

Ստացված տվյալների հիման վրա գիտնականները պարզել են, որ գոյություն ունի կորոնավիրուսային վարակի ծանր արտահայտված ընթացքի երկու փուլ: Վաղ փուլն արտահայտվում է թոքերի մեջ վիրուսի բարձր պարունակությամբ: Այդ փուլի ժամանակ օրգանիզմը խթանում է գեների էքսպրեսիան, որոնք անհրաժեշտ են իմունային արձագանքի համար: Իսկ ուշ փուլերում վիրուսի հետքերը գրեթե չկան, սակայն թոքերի ախտահարման բարձր աստիճանի պատճառով մահվան ելքի հավանականությունը մնում է չափազանց բարձր:

Գիտնականների խոսքով՝ COVID-19-ի ծանր արտահայտված ընթացքը տարբեր մարդկանց շրջանում կարող է տարբեր կերպ արտահայտվել:

«Վիրուսի նկատմամբ օրգանիզմի արձագանքը կարող է լինել եզակի անգամ միեւնույն թոքի տարբեր մասերում»,-ասել է հետազոտության հեղինակ, բժիշկ Դեւիդ Թ.Թինգը:

Մասնագետները նաեւ պարզել են, որ հակավիրուսային դեղամիջոցների ընդունումը, օրինակ, ռեմդեսիվիրը, կարող է արդյունավետ լինել ոչ միայն հիվանդության վաղ փուլում: