Պատմության այս օրը (դեկտեմբերի 12)

ՈՐՈՇ ՏՈՆԵՐ - Ղազախստան՝ Մաքսավորների օր, Քենիա՝ Անկախության օր, Ռուսաստան՝ Սահմանադրության օր, Թուրքմենիա՝ Թուրքմենիայի չեզոքության օր, Ուկրաինա՝ Դաշտային զորքերի օր:

ՀԱՅԱՍՏԱՆՈՒՄ

1888 – վախճանվել  է Ռուսական կայսրության հայազգի ռազմական և պետական գործիչ Միքայել Լորիս-Մելիքովը:

1902 – ծնվել է կոմպոզիտոր և դիրիժոր Ռուբեն Ստեփանյանը:

1913 - ծնվել է գրող Բենիկ Սեյրանյանը;

1914 - ծնվել է բանաստեղծ, արձակագիր, լրագրող Վահան Արամունին։

1918 - ռուս-վրացական պատերազմի ընթացքում հայկական ուժերը հարձակվել են Թիֆլիսի գուբերնիայի Բորչալուի նահանգի Սանահին քաղաքում գտնվող վրացական ուժերի վրա: Թիֆլիսում կայացել են հայ-վրացա-անգլիական եռակողմ բանակցություններ, կայացել է համաձայնություն Վրաստան անգլիական զորք մտցնելու մասին:

1922 - ծնվել է գիտության գործիչ, ֆիզիկոս Էմիլ Միրզաբեկյանը:

1936 – Երևանում բացվել է «Մոսկվա» կինոթատրոնը:

1937 - կայացել են ԽՍՀՄ Գերագույն խորհրդի  ընտրությունները։ Հայկական ԽՍՀ-ից ընտրվել է Միության պալատի 4 պատգամավոր և 25 պատգամավոր Ազգությունների պալատի համար։ 

1940 - վախճանվել է վրացական թատրոնի հայազգի դերասանուհի Մակո Սափարովա-Աբաշիձեն:  

1955 - ծնվել է նկարիչ Սարգիս Գարուկյանը:

1992 – վախճանվել է նկարիչ, ոսկերիչ-արծաթագործ Ժիրայր Չուլոյանը:

2001 - «Թուրք-հայկական հաշտեցման հանձնաժողովի» հայ մասնակիցները հրաժարվել են մասնակցել հանդիպումներին:

2004 - կայացած «Երկրապահ» կամավորականների միության (ԵԿՄ) հերթական համագումարում ընտրված նոր վարչության կազմում բացակայել են ընդդիմադիր գործիչները՝ Հակոբ Հակոբյանը, Սասուն Միքայելյանը, Մուրադ Կիրակոսյանը, Ալբերտ Բազեյանը եւ Մուշեղ Սաղաթելյանը:

2012 - ԲՀԿ-ն որոշում է ընդունել նախագահական ընտրությունների վերաբերյալ, ըստ որի Ծառուկյանը չի առաջադրվի և ԲՀԿ-ն որևէ թեկնածուի չի սատարի:

ԱՇԽԱՐՀՈՒՄ

627 – տեղի է ունեցել Նինվեի ճակատամարտը Բյուզանդական կայսրության և Սասանյան Պարսկաստանի միջև:

1098 –1-ին խաչակրաց արշավանքի ժամանակ Բոեմունդ Տերենտսկու և Ռայմունդ Սեն-Ժիլսկու գլխավորած խաչակիրների բանակը գրավել է սիրիական Մաարրետ-էն-Նուումանի ամրոցը:

1761 — ծնվել է քանդակագործ, Լոնդոնի Մադամ Տյուսոյի մոմե արձանիկների թանգարանի հիմնադիր Մարիա Տյուսսոն:

1766 — ծնվել է ռուս գրող, պատմագիր Նիկոլայ Կարամզինը:

1787 – Փենսիլվանիան դարձել է ԱՄՆ-ի 2-րդ նահանգը:

1810 – հիմնադրվել է Աստրախանի դրամատիկական թատրոնը:

1821 — ծնվել է ֆրանսիացի գրող Գուստավ ֆլոբերը:

1849 — վախճանվել է ֆրանսիացի ինժեներ Մարկ Բրունելը, որը կառուցել է առաջին թունելը Թեմզա գետի տակով:

1881 — ծնվել է ամերիկացի գյուտարար, ավտոմոբիլայն գործարկիչը՝ ստարտերը, ստեղծած Վինսենթ Հյուգո Բենդիկսը:

1911– Դելլին դարձել է Հնդկաստանի մայրաքաղաքը՝ մինչ այդ մայրաքաղաք է եղել  Կալկութան:

1917 – ալպիական Սեն-Միշել-դե-Մորեն կայարանում գնացքի վթարի և առաջացած հրդեհի պատճառով զոհվել է մոտ 700 իտալական ճակատից ֆրանսիա վերադարձող ֆրանսիացի զինվոր:

1925 — ծնվել է ռուս կոմպոզիտոր Վլադիմիր Շաինսկին:

1928 - ծնվել է ղրղըզ արձակագիր Չինգիզ Այթմատովը։

1935 — Իրանի շահ Ռզա Փեհլևին պաշտոնապես թագադրվել է:

1939 — խորհրդա-ֆինական պատերազմի ընթացքում Տոլվայարվիի ճակատամարտում ֆիննական բանակը  պարտության է մատնել խորհրդային բանակին:

1939 – վախճանվել  է համր կինոյի ժամանակաշրջանի ամերիկացի դերասան, սցենարիստ և պրոդյուսեր Դուգլաս Ֆերբենքսը:

1961 — ԱՄՆ-ում տիեզերք է ուղարկվել առաջին ռադիոսիրողական OSCAR-1 արբանյակը:

1963 – Քենիան անկախացել է Մեծ Բրիտանիայից:

1985 — վախճանվել է շոտլանդացի ստեղնաշարային գործքիների վարպետ կատարող, «The Rolling Stones» խմբի ստեղծողներից մեկը հանդիսացող Իեն Ստյուարդը:

1991 — կազմավորվել է հանրահառչակ ռուսական «Լիցեյ» երաժշտական խումբը:

1995 — Կամրանյուի (Վիետնամ) շրջանում ռուսական պիլոտաժային «Ռուս վիտյազներ» խմբի երեք  Су-27-եր բախվել են լեռանը, զոհվել  են 4 օդաչուներ:

2003 — վախճանվել է Ադրբեջանի նախագահ Հեյդար Ալիևը:

2008 - Շվեյցարիան միացել է Շենգենյան զոնային և դարձել այդ անվիզա մուտքի կազմակերպության 25-րդ անդամ երկիրը:

2016 - սիրիական պատերազմի ժամանակ կառավարական ուժերի կողմից Հալեպը ազատագրվել է գրոհայիններից:

Նյութը հրապարակման պատրաստեց Կամո Խաչիկյանը

www.1or.am