Ժամկետային զինծառայողների ծնողների նախաձեռնող խմբի՝ պահանջներն ուղղված Արցախի ՊԲ-ին և պաշտպանության նախարարությանը

Արցախի պաշտպանության բանակում ծառայող ժամկետային զինծառայողների ծնողները նախաձեռնող խումբ են ստեղծել՝ մի շարք պահանջներ ուղղելով Արցախի պաշտպանության բանակին և պաշտպանության նախարարությանը:

Հարազատները բանակի ղեկավարությունից պահանջում են տղաներին տրամադրել ոչ թե շաբաթական արձակուրդ, այլ՝ 20 օր, որպեսզի նրանք հասցնեն անհրաժեշտ բուժզննում անցնել և սթափվեն 44-օրյա պատերազմից հետո:

Երկրորդ պահանջը ռոտացիայի իրագործումն է. Հայաստանի տարածքում ծառայող զինվորներին ուղարկել Արցախ, իսկ այնտեղի զինծառայողներին բերել Հայաստան:

Երրորդ պահանջը ռազմական գործողությունների մասնակիցների վաղաժամկետ զորացրումն է: Խումբը գտնում է, որ որպես պարգևատրում՝ պատերազմին մասնակցած զինծառայողների ծառայության ժամկետը պետք է կես տարով կրճատել:

-Հասկանալի է, որ բոլորի համար ծանր է: Բայց պետք է հաշվի առնել, որ անձնակազմի մեծ մասը, փաստորեն, շարքից դուրս է եկել. շատերը մահացել են, շատերը ծանր վիրավորվել: Դա հանգեցրել է ռեսուրսների պակասի: Հիմա, եթե մնացածներին էլ դուրս բերեն այնտեղից, պարզ չի լինի, թե ով կպաշտպանի Արցախը, - վերոնշյալ պահանջների կապակցությամբ ասել է Razm.info ռազմավերլուծական պորտալի համակարգող Կարեն Վրթանեսյանը:

Մանրամասները այստեղ