Սննդաբանը նշել է խումարից ազատվելու պարզ միջոցը

Moscow24.site-ը գրում է.

Սննդաբան Անժելիկա Դյուվալը նշել է՝ ինչպես ազատվել ուժեղ խումարից: Այս մասին հաղորդել է “Ридус”-ը:

Ալկոհոլի չարաշահմանը հաջորդող առավոտյան սննդաբանը խորհուրդ է տվել պարզ տնային աղանդեր պատրաստել՝ ջեռոցում թխված խնձորներ և տանձեր: Ըստ նրա՝ այս մթերքները նպաստում են ստամոքսի լորձաթաղանթի վերականգնմանը: Դյուվալը խումարից ազատվելու համար օգտակար է համարում նաև մրգային խյուսերը:

Դյուվալի համաձայն՝ օրվա ընթացքում արժե թեթև սնունդ օգտագործել՝ բանջարեղեն և ձկան, հավի կամ հնդկահավի արգանակներ:

Սննդաբանը նշել է, որ խումարից ազատվելու ժողովրդական հայտնի միջոցը՝ վարունգի թթուն, ախտանշաններից ազատելու փոխարեն, ծանրաբեռնում է երիկամները: Լիարժեք նախաճաշը նույնպես չի թեթևացնում վիճակը:

- Պետք է տրամաբանորեն մտածել: Ալկոհոլը շատ է ծանրաբեռնում լյարդը: Որակյալ սնունդ չի օգտագործվում՝ որպես ալկոհոլային նախուտեստ, քանի որ հավաքույթների ժամանակ գտնում են՝ շատ են խմում, ուրեմն կարող են ամեն ինչ ուտել: Առավոտյան, սակայն, գիշերվա օգտագործած ճարպային սնունդն ավելի շատ է ծանրաբեռնում լյարդը,- պարզաբանել է Դյուվալը:

Նա ավելացրել է, որ հավաքույթից հետո գլխավոր խնդիրն օրգանիզմում վիտամինների և հանքանյութերի վերականգնումն է: Եթե չեք կարողանում բանջարեղեն կամ մրգային խյուս ուտել, կարող եք բուսական ծագում ունեցող, սննդանյութերով հարուստ կոկտեյլ խմել:

Նյութը հրապարակման պատրաստեց Լիլիթ Ամիրաղյանը

Շարունակությունը՝ այստեղ