Բարդ պայմաններ Ղարաբաղի լեռներում. մեկը մյուսի հետևից փոքրիկ ռուսական ամրոցներ են կառուցվում
ՀԱՍԱՐԱԿՈՒԹՅՈՒՆ
rusvesna.su-ն գրում է, որ Լեռնային Ղարաբաղի տարածքում գտնվող խաղաղապահ ուժերի անձնակազմը շարունակում է ինտենսիվ աշխատանքը` տեղակայված հենակետերի բարեկարգման ուղղությամբ: Աշխատանքը մեկ րոպե անգամ չի դադարում:
Ղարաբաղի տարբեր մասերում ի հայտ են գալիս իսկական ժամանակակից փոքր ամրոցներ, որոնք նախատեսված են անձնակազմը գնդակոծություններից պաշտպանվելու և հարմարավետ ապրելու համար: Վերջերս նման ռազմական օբյեկտ է ստեղծվել Շուշի քաղաքի մոտակայքում:
Այս պահին այդպիսի ամրացված հենակետերի ստեղծման ակտիվ աշխատանքներ են ընթանում Զարիսլի գյուղի և Լիսոգորսկի պետական տնտեսության տարածքներում: Աշխատում են բարդ պայմաններում, քանի որ լեռներում արդեն ձմեռ է: Պետք է հասցնել ամեն ինչ վերջացնել, քանի դեռ լեռներում ցուրտը վերջնականապես չի արմատացել:
Յուրաքանչյուր հենակետ կկառուցվի իդեալականորեն և խաղաղապահների համար կստեղծվեն հնարավորինս հարմարավետ պայմաններ առաջադրանքների հաջող կատարումը ապահովելու համար:
Հենակետերը հուսալիորեն կպաշտպանեն խաղաղապահներին հրազենային, ականանետային և թնդանոթային կրակից: Ավելին, այնտեղ կլինեն բոլոր պայմանները երկարատև մնալու համար. տաք ջրով ցնցուղ, բիոզուգարան, ինչպես նաև անձնակազմի հանգստի համար նախատեսված տաք և հարմարավետ սենյակներ:
Նյութը հրապարակման պատրաստեց Կամո Խաչիկյանը
