Ալիևն ընդունեց կորուստները. 44-օրյա պատերազմի անհավանական ապացույցը

Ադրբեջանի պաշտպանության նախարարությունը երեկ հայտարարեց, որ Լեռնային Ղարաբաղում և դրա շուրջ սեպտեմբերի 27-ին մեկնարկած և նոյեմբերի 10-ին ավարտված պատերազմի ընթացքում զոհվել է 2 հազար 783 զինծառայող: Ավելի քան 100 զինծառայող այսօրվա դրությամբ համարվում է անհետ կորած: Հոսպիտալներում բուժում է ստանում 1245 զինծառայող:

Անկախ լրատվական միջոցները դեռևս չեն հաստատել Ադրբեջանի պաշտպանության նախարարության պաշտոնական հաղորդագրությունում նշված տվյալները: Սակայն, ադրբեջանական համացանցի տիրույթում պտտվում են տարբեր թվեր՝ 9000-ից մինչև 12 000 զոհի մասին խոսակցություններ:

Պարզ է, որ Ադրբեջանը նման պաշտոնական թվեր չի ներկայացնի, եթե իսկապես զոհերի թիվը՝ 9-12 հազար է: Ալիևի խորամանկությունը բավարարում է, որպեսզի նա ցույց տա թվեր հայկական պաշտոնական թվերին մոտ, որպեսզի պահպանի իր երկրի «հաղթական» կեցվածքը:

Սա հստակ է: Այլապես, պատերազմի ողջ ընթացքում ինչո՞ւ էր Ադրբեջանը հրաժարվում հրապարակել իր կորուստների մասին թիվն, իսկ այժմ էլ հրապարակած թիվը մոտ է հայկական կողմի մարդկային կորուստներին։

Փաստը մնում է փաստ. Ադրբեջանի հրապարակած թիվը հեռու է իրականությունից և Ադրբեջանի իշխանությունը սկսեց ընդունել կորուստները։ Եվ ի դեպ, դրանք այն կորուստների թվերն են, որոնք հնարավորություն է եղել նույնականացնելու։

Մյուս կողմից կան շատ ավելի կարևոր հանգամանքներ: Պատերազմը տևել է 44 օր: Ադրբեջանը վարել է հարձակվողական գործողություններ, իսկ դա նշանակում է, որ Ադրբեջանը պետք է ունենա առնվազը կրկնակի ավել կորուստներ՝ զուտ ռազմական պրակտիկայից ելնելով. Հարձակվողի կորուստները միշտ ավելին են լինում:
Այլ հարց է, թե կեղծ թվերը Ալիևին որքան կհաջողվի փակ պահել:

Այնպես որ, ադրբեջանական համացանցում պտտվող խոսակցությունները, որ ունեն 9-12 հազար կորուստ՝ խիստ հավանական է:

Մեկ այլ հանգամանք ևս. պաշտոնական թվերով հանդերձ մի անհերքելի իրողություն է փաստել, որ 44 օրվա դաժան պատերազմում, ուժերի անհավասարության պայմաններում՝ սիրիացի վարձկանների, թուրքական ու իսրայելական չորրորդ-հինգերորդ սերնդի ժամանակակից զինտեխնիկայի ու ԱԹՍ-ների առկայությամբ անգամ ադրբեջանական կողմն այդքան զոհ ունի՝ թեկուզ պաշտոնական թվերով:

Հայկական բանակն, ակնհայտ է, որ նույնիսկ ուժերի անհավասար պայմաններում տվել է արժանի հակահարված թշնամում, ու սա աշխարհը, նախևառաջ Ռուսաստանն ու Թուրքիան քաջ գիտակցում են: Այս մասշտաբի պատերազմում 44 օր դիմադրելը, դա իսկապես, անհավանական է:

Մետաքսյա Շալունց