Պատմության այս օրը (նոյեմբերի 28)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ
Ալբանիա՝ Անկախության օր, Արևելյան Թիմոր, Բուրունդի և Չադ՝ Հանրապետության օր, Իրան՝ Նավատորմի օր, Պանամա՝ Անկախության օր:
ՀԱՅԱՍՏԱՆՈՒՄ
1859 - ծնվել է հայազգի ռուսաստանցի լրագրող և հրատարակիչ Արտեմ Կոտելնիկովը:
1911 - ծնվել է նկարիչ Կարապետ Տիրատուրյանը:
1915 - վախճանվել է հայ մանկավարժ և դերասան Սեդրակ Մանդինյանը:
1917 - Թիֆլիսում ստեղծվել է Անդրկովկասյան կոմիսարիատը՝ վրացի մենշևիկների, էսեռների, հայ դաշնակցականների և ադրբեջանցի մուսաֆաթականների կոալիցիոն կառավարությունը, որի նախագահն է դարձել վրացի մենշևիկ Գեգեչկորին:
1918 - վախճանվել է գրող Գեղամ Տեր-Կարապետյանը:
- Զանգեզուրում սկսվել են եռօրյա մարտեր, որոնց ժամանակ Անդրանիկին հաջողվել է մի շարք ադրբեջանական գյուղեր գրավել, մասնավորապես Աբդալյարը, բայց հետո նա ստիպված է եղել հետ քաշվել Գերյուսի:
1920 - 11-րդ Կարմիր բանակի ուժերը Ղազախի հարավ արևելյան հատվածում հատել են Սովետական Ադրբեջանի և Հայաստանի սահմանագիծը և մտել Հայաստան:
1927- ծնվել է ռեժիսոր Սուրեն Առաքելյանը:
1937- վախճանվել է անասնաբուժության և կաթի մասնագետ Ավետիս Քալանթարը:
1962 - ծնվել է լեզվաբան, թարգմանիչ և քաղաքական գործիչ Լիլիթ Գալստյանը:
1965 - վախճանվել է նկարիչ Հարություն (Արիել) Աճեմյանը:
1974 - շահագործման հանձնվեց Երևանի «Ռոսիա» կինոթատրոնը:
1989 - Խորհրդային Միության Գերագույն խորհուրդը լուծարել է իր ստեղծած «Վոլսկու կոմիտեն» Արցախում:
1989 - վախճանվել է ճարտարապետ Զավեն Բախշինյանը:
2005 - Հայաստանյան միացյալ ընդդիմությունը Մատենադարանի մոտ անց է կացրել բազմամարդ հանրահավաք՝ կոչ անելով երկրի «ոչ լեգիտիմ իշխանություններից» ազատվելու գործընթաց սկսել:
2007 - Վերաքննիչ դատարանը բեկանել է առաջին ատյանի դատարանի դատավճիռը, որով արդարացվել են «Ռոյալ Արմենիա»-ի համասեփականատերը: 2008-«Հայաստան» համահայկական հիմնադրամի «Հեռուստամարաթոն 2008»-ը արձանագրել է 35 միլիոն 9 հազար 156 դոլարի կատարված և խոստացված նվիրատվություններ:
2009 - Երևանի Մարզահամերգային համալիրում կայացել է ՀՀԿ 12-րդ համագումարը, որտեղ կուսակցության նախագահ է վերընտրվել Սերժ Սարգսյանը։
2014 - կայացած «Հեռուստամարաթոն 2014»-ի արդյունքը նվիրաբերվել է 12․4 միլիոն դոլլար:
2017 - Սամվել Բաբայանը դատապարտվել է 6 տարվա ազատազրկման՝ ապօրինի ռազմամթերք պահելու և հանցավոր ճանապարհով եվրո թղթադրամներ ստանալու մեղադրանքով:
2019 - Մեկնարկել է «Հայաստան» համահայկական հիմնադրամի ազգային նվիրատվության 22-րդ հեռուստամարաթոնը: Մարաթոնը մեկնարկել է Երևանից: Նվիրաբերվել է 9856 հազար դոլար, որը 2018-ի համեմատ 1 մլն 250 հազարով դոլլարով պակաս է եղել։
ԱՇԽԱՐՀՈՒՄ
1627 — լեհ-շվեդական պատերազմի ընթացքում տեղի է ունեցել Օլիվի ճակատամարտը, որը ավարտվել է Ռեչ-Պոսպոլիտայի հաղթանակով:
1632 – ծնվել է ֆրանսիացի երգահան, ջութակահար, դիրիժոր Ժան Բատիստ Լյուլլին:
1757 - ծնվել է անգլիացի նկարիչ և բանաստեղծ Ուիլյամ Բլեյքը:
1694 – վախճանվել է ճապոնացի բանաստեղծ Մացուո Բասյոն:
1820 – ծնվել է գերմանացի նշանավոր փիլիսոփա, մարքսիզմի հիմնադիրներից մեկը հանդիսացող Ֆրիդրիխ Էնգելսը:
1859 – վախճանվել է ամերիկացի ռոմանտիկ գրող Վաշինգտոն Իրվինգը:
1880 - ծնվել է ռուս պոետԱլեքսանդր Բլոկը:
1881– ծնվել է ավստրիացի գրող, գրաքննադատ Ստեֆան Ցվայգը:
1899 — Երկրորդ անգլո-բուրական պատերազմի ընթացքում տեղի է ունեցել Մոդդեր գետի ճակատամարտը:
1912 - Ալբանիան հռչակում է իր անկախությունը Օսմանյան կայսրությունից:
1916 - վախճանվել է ամերիկացի գրող Հենրի Ջեյմսը:
1939 - վախճանվել է բասկետբոլ խաղի ստեղծող Ջեյմս Նեյսմիթը:
1943 – սկսվել է Թեհրանի կոնֆերանսը, ԱՄՆ-ի նախագահ Ֆրանկլին Դելանո Ռուզվելտի, ԽՍՀՄ ղեկավար Իոսիֆ Ստալինի և Մեծ Բրիտանիայի վարչապետ Ուինսթոն Չերչիլի մասնակցությամբ:
1954 - վախճանվել է իտալացի ֆիզիկոս Էնրիկո Ֆերմին:
1964 - դեպի Մարս է ուղարկվել ամերիկյան «Մարիներ-4» ավտոմատ կայանը:
1974 — «Մեդիսոն Սքվեր Գարդեն»-ում կայացած էլթոն Ջոնի համերգին իր վերջին ելույթն է ունեցել Ջոն Լենոնը:
1975 – Արևելյան Թիմորը հռչակել է իր անկախությունը Պորտուգալիայից:
1991 - Հարավային Օսիան հռչակել է իր անկախությունը Վրաստանից:
1994 — Նորվեգիայում կայացել է երկրորդ հանրաքվեն՝ Եվրոմիություն մտնելու հարցով և այս անգամ ևս ընտրողների մեծամասնությունը դեմ է արտահայտվել դրան:
2010 – ՎիքիԼիքս միջազգային կազմակերպությունը իր պաշտոնական կայքում տեղադրել է 251287 հատ ԱՄՆ-ի կառավարական հեռագրեր:
2016 - «Շապեկոենսե» բրազիլական թիմի անդամների մեծ մասը զոհվել է ավիաաղետի հետևանքով:
Նյութը հրապարակման պատրաստեց Կամո Խաչիկյանը
