Ովքեր են կառավարությունում բարձր պաշտոններ զբաղեցնող կանայք . ֆոտո

Wnews.am-ը գրում է.

Ինչպես ամբողջ աշխարհում, Հայաստանում եւս կանանց դերը հասարակական-քաղաքական ասպարեզում օրեցօր ավելի է կարեւորվում։ Եթե նախկինում ձեւավորված կարծրատիպ կար, թե կինը պետք է զբաղվի բացառապես ընտանեկան հոգսերով, ապա ժամանակակից կնոջ մոդելն այլ է. նա կարող է հաջողակ լինել ինչպես ընտանիքում, այնպես էլ կարիերայում։

Հայաստանի նոր ձեւավորված կառավարությունում ունենք երկու կին նախարար՝ ՀՀ սփյուռքի նախարար Հրանուշ Հակոբյանը եւ ՀՀ արդարադատության նախարար Արփինե Հովհաննիսյանը։

Wnews.am-ն արդեն ներկայացրել է վերջիններիս՝ իրենց աշխատանքային գործունեությունից դուրս (հրապարակումները՝ հետեւյալ հղումներովhttps://wnews.am/2016/01/15/արփինե/,https://wnews.am/2016/10/03/hovhannisyan/ ,https://wnews.am/2016/01/29/hakobyan/)։ Իսկ ովքեր են կառավարությունում բարձր պաշտոններ զբաղեցնող մյուս կանայք. Wnews.am-ը ներկայացնում է ստորեւ.

Հասարակական հիմունքներով ՀՀ վարչապետի խորհրդական Շուշան Սարդարյան.

Ծնվել է 1968թ. փետրվարին, ք. Աշտարակում
Կրթություն
1986-1991 թթ. – Երևանի պետական համալսարանի բանասիրական ֆակուլտետ
Աշխատանքային գործունեություն
1991-1994թթ. – Երևանի թիվ 114 դպրոց՝ հայոց լեզվի և գրականության ուսուցչուհի
1996-1997թթ. – «Արմենպրես» լրատվական գործակալություն՝ հասարակական-քաղաքական և սոցիալ-տնտեսական լրատվության բաժնի թղթակից
1998-2001թթ. – ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչության հասարակայնության հետ կապերի խմբի ղեկավար
2001թ. սեպտեմբերից առ այսօր «Գազպրոմ Արմենիա» ՓԲԸ հասարակայնության և զանգվածային լրատվական միջոցների հետ կապերի ծառայության պետ
2010-2013թթ. – Երևանի քաղաքապետի մամուլի քարտուղար (համատեղությամբ)
2016թ. սեպտեմբերի 24-ից՝ ՀՀ վարչապետի խորհրդական՝ հասարակական հիմունքներով
Ամուսնացած է, ունի երկու երեխա:

Թամար Կեւորկյան. հասարակական հիմունքներով վարչապետի խորհրդական
Ծնվել է 1974թ ապրիլին, Եթովպիայում
Կրթություն.
1994-1998թթ.-Ադիս Աբեբա համալսարան
2010թ.- Քորլինզ համալսարան (Corllins University)
Աշխատանքային գործուներություն
1998թ.-ից՝ «Ալադին ռեստորան»՝ տնօրեն
2006թ.-ից՝ «Վիլաջո գլոբալ ջեներալ բիզնես»՝ փոխտնօրեն
2016 թ. մարտի 12-ից նշանակվել է ՀՀ վարչապետի խորհրդական՝ հասարակական հիմունքներով
Ամուսնացած չէ:

Շամամ Հարությունյան. ՀՀ աշխատանքի եւ սոցիալական հարցերի փոխնախարար
Ծնվել է 1956թ. փետրվարին, Աբովյանի շրջան, գ. Գեղաշենում
Կրթություն
1973-1978 թթ.- Երևանի ժողտնտեսության ինստիտուտ, մասնագիտացումը՝ աշխատանքի էկոնոմիկա
Աշխատանքային գործունեություն
1969-1972 թթ. – Աբովյանի շրջանի Գեղաշեն գյուղի կոլտնտեսական
1978-1982 թթ. – Երևանի «Բազալտ» գործարանի աշխատանքի գծով տնտեսագետ
1986-1991 թթ. – Աբովյանի շրջանի Գեղաշեն գյուղի կոմերիտական կազմակերպության ազատված քարտուղար
1991-1993 թթ. – Կոտայքի շրջխորհրդի գործկոմի էկոնոմիկայի բաժնի տնտեսագետ
1993 – 1996 թթ.- Կոտայքի շրջանի սոցիալական ծառայության պետ
1996 թ.- Կոտայքի մարզպետարանի սոցիալական պաշտպանվածության բաժնի պետ
1996-1999 թթ. – Աբովյան քաղաքի սոցիալական ծառայության տարածքային կենտրոնի տնօրեն
1999 – 2002 թթ. – ՀՀ սոցիալական ապահովության նախարարության սոցիալական ծառայությունների վարչության պետ, սոցիալական աջակցության վարչության պետ
2002 – 2012 թթ. – ՀՀ սոցիալական ապահովության նախարարության (ՀՀ աշխատանքի և սոցիալական հարցերի) «ՀՀ զբաղվածության պետական ծառայություն» գործակալության պետ
2012 թ. դեկտեմբերի 6-ից՝ ՀՀ աշխատանքի և սոցիալական հարցերի նախարարի տեղակալ
Այրի է, ունի երեք երեխա:

Ջեմմա Բաղդասարյան. ՀՀ աշխատանքի եւ սոցիալական հարցերի փոխնախարար
Ծնվել է 1956թ. հուլիսի 23-ին, ԼՂՀ ք. Մարտունիում, զինծառայողի ընտանիքում:
1979թ. ավարտել է Ադերբեջանի պետական մանկավարժական ինստիտուտը և ստացել մանկավարժի որակավորում, բիո-քիմիա մասնագիտությամբ:
2000թ. ավարտել է Ռուսաստանի մենեջմենթի ակադեմիայի Աշխատունակության փորձաքննության և աշխատանքի կազմակերպման ինստիտուտի բժշկա-սոցիալական վերականգնման բաժինը:
2002-2005թթ. անցել է ՀՀ կառավարման ակադեմիայի մի շարք վերապատրաստումներ:
2005-2010թթ. մի շարք երկրներում անցել է մասնագիտական վերապատրաստումներ:
2006թ-ից՝ Բնական և հասարակական գիտությունների Միջազգային ակադեմիայի հայկական բաժանմունքի պատվավոր դոկտոր է:
2007թ-ից` Բնական գիտությունների միջազգային ակադեմիայի հայկական բաժանմունքի պատվավոր դոկտոր է:
1980-1982թթ. աշխատել է ք. Երևանի ՙԷլեկտրոմեքենաներ՚ ինստիտուտում` որպես առաջատար ինժիներ:
1982թ-ից աշխատում է ՀՀ աշխատանքի և սոցիալական հարցերի նախարարությունում:
1982- 2009թթ. որպես առաջատար մասնագետ, բաժնի պետ, վարչության պետ:
2009-ից` նախարարի տեղակալ:
Ունի Հայաստանի Հանրապետության քաղաքացիական ծառայության 1-ին դասի խորհրդականի դասային աստիճան:
2004-2010թթ.` հաշմանդամների վերականգնման և նրանց հասարակություն ինտեգրման հարցերով Եվրոխորհրդի կոմիտեի փորձագետ, բյուրոի անդամ, կոմիտեի փոխնախագահ,
2010 թ-ից` միջգերատեսչական հանձնաժողովների, խորհրդների և հիմնադրամների հոգաբարձուների խորհուրդների անդամ սոցիալական պաշտպանության, առողջապահության, կրթության և այլ ոլորտներում:
2005թ-ից Հայաստանի Հանրապետական կուսակցության անդամ ,
2012-թ-ից՝ ՀՀԿ խորհրդի անդամ, 2013թ-ից՝ ՀՀԿ կանանց խորհրդի անդամ:
Հասարակական-քաղաքական և մասնագիտական գործունեության ընթացքում պարգևատրվել է.
ՀՀ Նախագահի կողմից` «Հայրենիքին մատուցած ծառայությունների համար» 2-րդ աստիճանի մեդալով (2013թ.), <<Մխիթար Հերացի>> մեդալով (2006թ.), ՀՀ Նախագահի շնորհակալագրով (2003թ.)
ՀՀ կառավարության հուշամեդալով (1998թ.)
ՀՀ վարչապետի շնորհակալագրով (2010թ.)
ՀՀ պաշտպանության նախարի կողմից` «Գարեգին Նժդեհ» մեդալով (2008թ.)
ՀՀ աշխատանքի և սոցիալական հարցերի նախարարության մեդալով (2008թ.)
Հայաստանի Հանրապետական կուսակցության նախագահի շնորհակալագրով (2015թ.):
Ամուսնացած է, ունի երկու որդի:

Կարինե Հարությունյան.ՀՀ կրթության եւ գիտության փոխնախարար
Ծնվել է 1963թ. հունվարի 24, ք. Երևանում
Կրթություն
1979-1984թթ. ԵՊՀ ‎‎ֆիզիկայի ‎ֆակուլտետ, որակավորումը` ֆիզիկոս և ուսուցիչ
1980-1983թթ. ԵՊՀ հասարակական մասնագիտությունների ֆակուլտետ, մասնագիտությունը` անգլերեն լեզվի թարգմանիչ
1984-1987թթ.. ԵՊՀ ասպիրանտուրա` քվանտային ռադիոֆիզիկա մասնագիտություն
2000-2008թթ.. Վերապատաստման դասընթացներ` Հարվարդի համալսարանի, ՅՈՒՆԵՍԿՕ-ի, Համաշխարհային բանկի և այլ միջազգային կազմակերպությունների
2005-2006թթ. Միացյալ Թագավորության Սասեքսի համալսարան` կրթության կառավարում մասնագիտությամբ դոկտորանտուրա (հեռավար ուսուցում)
Աշխատանքային գործունեություն
1987-1991թթ.. ԵՊՀ ֆիզիկայի ֆակուլտետ, գիտական աշխատող
1991-1995թթ.. «Լազերային տեխնիկա» ԳԱՄ, գիտական աշխատող
1995թ. ՄԱԿ-ի մանկական հիմնադրամ, կրթության ոլորտի ծրագրերի ղեկավար
1996-1998թթ.. ՀՀ ԿԳՆ «Հայաստանի կրթության և գիտության բնագավառում արտասահմանյան աջակցությամբ ծրագրերի իրականացման կենտրոն», տնօրեն
1998-2010թթ. ՀՀ ԿԳՆ «Կրթական ծրագրերի կենտրոն» ԾԻԳ ՊՀ, տնօրեն
1998-ից «Դասագրքերի շրջանառու հիմնադրամի» գործադիր տնօրեն` համատեղության կարգով
2001-2006թթ. ԵՊՀ «Կրթության կազմակերպում» մագիստրոսական ծրագիր, դասախոս
2000-2008թթ. Կրթության ոլորտի ծրագրերի միջազգային խորհրդատու արտասահմանյան երկրներում
2010թ. նոյեմբերից ՀՀ կրթության և գիտության նախարարի տեղակալ
Այլ տվյալներ
Ֆիզիկամաթեմատիկական գիտությունների թեկնածու
Պարգևատրվել է ՀՀ ԿԳ նախարարության Ոսկե հուշամեդալով
Հրատարակել է մոտ 30 գիտական աշխատություններ և գրքեր
Ամուսնացած է, ունի երեք երեխա

Արեւ Սամուելյան. ՀՀ մշակույթի փոխնախարար
Ծնվել է 1976 թ. հունվարի 15, ք. Երևանում
Կրթություն
1992-1998 թթ. – Երևանի ճարտարապետաշինարարական համալսարանի ճարտարապետության ֆակուլտետ, ճարտարապետի որակավորում /գերազանցության դիպլոմ/,
1998-2002 թթ. – ԵրՃՇՊՀ ասպիրանտուրա,
2000-2001 թթ. – Ֆրանսիա, Կլերմոն-Ֆերանի բարձրագույն ճարտարապետության դպրոցի ավարտական դասընթաց:
Աշխատանքային գործունեություն
1998 թ.- «Բիզնես Սթայլ» կազմակերպությունում՝ դիզայներ,
1998-2000 թթ.- «Երևաննախագիծ» N3 ակադեմիկոս Ջիմ Թորոսյանի ստեղծագործական արվեստանոցում՝ ճարտարապետ,
2000-2001 թթ. – Ֆրանսիա, Կլերմոն-Ֆերան, «Ժան-Ֆրանսուա Պանթեոն» ճարտարապետական արվեստանոցում՝ ճարտարապետ,
2001-2002 թթ. – Ֆրանսիա, Կլերմոն-Ֆերան, «Պատրիկ Լեո» ճարտարապետական արվեստանոցում՝ ճարտարապետ,
2002 թվականի հոկտեմբերից՝ Երևանում «Րաֆի Արև» ճարտարապետական արվեստանոցի համահիմնադիր,
2003-2006 թթ. – Կլերմոն-Ֆերանում հիմնադրել է «Արև Սամուելյան» անհատական ճարտարապետական արվեստանոցը,
2003 թվականից դասախոսում է Կլերմոն-Ֆերանի բարձրագույն ճարտարապետական դպրոցում,
2006 թվականից Վալանսի «2AB» ճարտարապետական արվեստանոցի համատեր,
2009 թվականի հուլիս 21-ին նշանակվել է ՀՀ մշակույթի նախարարի տեղակալ,
2013 թվականից ԵրՃՇՊՀ դասախոս է:
Այլ տվյալներ
Հայաստանում և արտերկրում համակարգել է մշակութային մի շարք միջոցառումներ: Մասնագիտական 8 հոդվածի հեղինակ է: Մասնակցել, շահել և իրականացրել է ճարտարապետական բազմաթիվ մրցույթներ: Հայաստանում, Լեռնային Ղարաբաղում և Ֆրանսիայում քաղաքաշինական հանգույցների, բազմաթիվ ցածրահարկ և բարձրահարկ բնակելի տների, հասարակական նշանակության շինությունների, հուշատեղերի հեղինակ է:
2000 թվականից Հայաստանի ճարտարապետների միության անդամ է,
2002 թվականից Ֆրանսիայի Ճարտարապետների Օրդենի անդամ (գրանցված Օվերն նահանգի ռեգիստրում, այնուհետև՝ 2008 թ. Ռոն-Ալպ նահանգի ռեգիստրում),
2004 թվականին արժանացել է «Էկեր դ’արժան» եվրոպական մրցանակի՝ «Երիտասարդ հույս» անվանակարգի 2-րդ մրցանակին:
Կուսակցական պատկանելիությունը
2012 թվականի մարտ ամսից ՀՀԿ անդամ է: