Սա գոյության պայքար է. Հովիկ Քեուչքերյան

Հայազգի դերասան Հովիկ Քեուչքերյանը, ով «Թղթե տունը» սերիալում հայտնի է Բոգոտայի դերով, ելույթ է ունեցել ադրբեջանական ագրեսիան դատապարտող կոչով: Այս մասին հաղորդվել է Իսպանիայում Հայաստանի դեսպանատան ֆեյսբուքյան էջում: 

 -Հայերը հերթական անգամ պայքարում են հանուն իրենց գոյության: Սա պայքար է գոյության համար, պայքար հանուն սեփական հայրենիքի, հանուն մեր սիրելի հայկական հողի, - ասել է նա:

Հարգարժան դերասանը նշել է, որ հայ ժողովուրդը երբեք չի հանձնվում, և պետք չէ կասկածել, որ հայերը մշտապես պայքարելու են:

 -Ուզում եմ իմ էներգիան, իմ ուժը, հիացմունքը, հարգանքը, իմ ողջ սերը, իմ բոլոր աղոթքներն ուղղել Արցախի և Հայաստանի քաղաքացիական բնակչությանը, ռազմական գործողությունների ընթացքում ընկած և հերոսացած հայերին ու նրանց ընտանիքներին և բոլոր զինծառայողներին, ովքեր ներկա պահին ատամներով կրկին պաշտպանում են մեր սուրբ հողը: Իմ հայ եղբայրներ և քույրեր, դուք մենակ չեք, Աստված օրհնի ձեզ, - ասել է Քեուչքերյանը:

Քեուչքերյանի  ամբողջական ելույթը կարող եք դիտել այստեղ:

Նյութը հրապարակման պատրաստեց Լիլիթ Ամիրաղյանը

www.1or.am