Ինքնաթիռի ուղևորը թռիչքի ժամանակ հարձակվել է ընկերոջ վրա` կծել պոկելով նրա ականջը
ՀԱՍԱՐԱԿՈՒԹՅՈՒՆ
Ոստիկանությունը բրիտանացի զբոսաշրջիկին ձերբակալել է այն բանից հետո, երբ ավիաթռիչքի ընթացքում նա հարձակվել է ընկերոջ վրա՝ կծել պոկելով նրա ականջի մի մասը: Այս մասին գրել է Daily Express-ը:
Դեպքը տեղի է ունեցել հինգշաբթի երեկոյան՝ սեպտեմբերի 17-ին, անգլիական Բիրմինգեմից դեպի իսպանական քաղաք Պալմա դե Մայորկա թռիչքի ժամանակ: Հրատարակության տեղեկատվության համաձայն՝ ինքնաթիռի ուղևորներից մեկի «կոնֆլիկտային վարքի» պատճառով անձնակազմը դիմել է իրավապահ մարմիններին:
Հայտնի է, որ հարբած վիճակում 29-ամյա բրիտանացին բորտուղեկցորդներին խնդրել է իր համար ալկոհոլային խմիչք լցնել: Անձնակազմը հրաժարվել է նրան սպասարկելուց, ինչից հետո ճանապարհորդը խմել է ուղեկցի բաժակից և ավելի ուշ նրա հետ հակամարտության մեջ մտել:
Պարզաբանվում է, որ տուժածը եղել է խռովարարի ընկերը: Հիմա նա գտնվում է իսպանական հիվանդանոցներից մեկում: Արդյունքում, իրավապահ մարմինները ձերբակալել են ուղևորին: Մարմնական վնասվածք հասցնելու համար՝ նրա դեմ մեղադրանք են ներկայացնելու:
Նյութը հրապարակման պատրաստեց Լիլիթ Ամիրաղյանը
