Մալդիվներն էժանացել են. ի՞նչ է անհրաժեշտ դրախտային կղզիներ թռչելու համար
ՖՈՏՈ
РИА Новости-ի լրագրող Սվետլանա Բաևան գրել է, որ սեպտեմբերի 10-ին Ռուսաստանի և Մալդիվների միջև ուղիղ օդային կապը վերականգնվել է: Հայտնի է, որ սեպտեմբերի 9-ին առաջին թռիչքի տոմսերը կարելի էր գնել 18 800 ռուբլի արժողությամբ, ինչն այս ուղղության համար էժան է: Թռիչքի այլ ժամկետները, որպես կանոն, ավելի թանկ են, այնուամենայնիվ, շքեղ հյուրանոց-առողջարանները հրապուրում են զեղչերով:
Հյուրանոցի կենվորները տնային առագաստի վրա կարող են հիանալ ստորջրյա աշխարհի հրաշքներով, հնարամիտ կորալներով, ութոտնուկների այգով, փարթամ այգու բացառիկ սպա-սրահով, այստեղ դուք քաղաքակրթության մասին կմոռանաք և կքայլեք բոբիկ՝ վայելելով օվկիանոսի գեղեցկությունը՝ այսպես են Մալդիվները հրապուրում զբոսաշրջիկներին:
«Մինչև հոկտեմբերի 31-ը, հյուրանոցները պարզապես շքեղ գներ են առաջարկում: Ըստ «Ոչ համաճարակին» հատուկ առաջարկի՝ զեղչերը հասնում են 30-55%-ի», - պատմել է Մալդիվների գծով մասնագիտացված տուրօպերատորի վաճառքի բաժնի ղեկավար Մարիա Գոլիկովան: Մեկշաբաթյա շրջագայությունը դեպի 4-աստղանի հանգստավայր արժեքը սկսվում է 90 000 ռուբլուց (երկուսի համար), իսկ տասնօրյան՝ 110 000 ռուբլուց:
Գոլիկովան նշել է, որ ավիատոմսերի արժեքները շատ տարբեր են և կախված են պահանջարկից, որն աճում է: «Սեպտեմբերի 15-ից սկսած՝ նվազագույնը կսկսվի մոտ 30 000 ռուբլուց (սա Կատարի ավիաընկերության առաջարկն է՝ Դոհայում վայրէջքով): Հոկտեմբերին կարելի է գտնել 24-26 000 ռուբլով (Ստամբուլում վայրէջքով)», - նշել են ճամփորդությունների ծառայության վերլուծական կենտրոնի աշխատակիցները:
Մալդիվներ գնալու համար թռիչքից ոչ ավել, քան 72 ժամ առաջ պետք է COVID-19-ի թեստ հանձնել և բացասական արդյունքի մասին անգլերենով տեղեկանք ստանալ: Ռուսական օդանավակայաններում կա կորոնավիրուսի արագ թեստ անցնելու տարբերակ: Ըստ տեղեկատվության՝ արդյունքը տրամադրվում է մեկ ժամվա ընթացքում՝ ռուսերենով և անգլերենով:
Բացի դրանից, անհրաժեշտ է Մալդիվների կառավարության կայքում լրացնել առողջական վիճակի մասին դեկլարացիան, ապա դրան կցել կորոնավիրուսի թեստի բացասական արդյունքը: Պահանջվում է նաև կեցության ողջ ընթացքի համար հյուրանոցի ամրագրման հաստատում: Ժամանելուն պես ուղևորները բժշկական ստուգում են անցնում:
Նյութը հրապարակման պատրաստեց Լիլիթ Ամիրաղյանը
