ՀԱԿ. Եվրոպայում կորոնավիրուսի հետ կապված իրավիճակը վատանում է
ՀԱՍԱՐԱԿՈՒԹՅՈՒՆ
Եվրոպայում COVID-19-ի հետ կապված իրավիճակը սկսում է վատանալ, բայց խուճապի պատճառներ չկան: Այս մասին հայտնել է Առողջապահության համաշխարհային կազմակերպության եվրոպական տարածաշրջանային տնօրեն Հանս Կլյուգգեն: Այս մասին РИА Новости-ի հոդվածում գրել է Ելիզավետա Իսակովան:
«Մեր առջև շատ լուրջ իրավիճակ է զարգանում: Շաբաթական դեպքերի քանակը գերազանցել է քանակը, որի մասին հաղորդվել է, երբ համաճարակն առաջին անգամ մարտին Եվրոպայում հասել է գագաթնակետին: Անցյալ շաբաթվա նոր դեպքերի քանակը գերազանցել է 300 հազարը: Վերջին երկու շաբաթների ընթացքում եվրոպական երկրների կեսից ավելը հաղորդել է դեպքերի թվի ավելի քան 10%-ով ավելացում», - ասել է Կլյուգգեն:
Ըստ տնօրենի՝ շատ դեպքեր են գրանցվում, մասնավորապես՝ 25-ից 41 տարեկանների շրջանում: Այս կապակցությամբ՝ վիրուսի դեմ պայքարելու համար Կլյուգգեն բոլոր եվրոպական երկրներին համերաշխության կոչ է արել և ի նշան աջակցության՝ մամլո ասուլիսն անցկացրել է դիմակով:
«Հանձնարարականները մնում են նույնը: Եթե դուք չեք կարող պահպանել ֆիզիկական հեռավորությունը, պետք է դիմակ կրեք: Եվ սա հստակ ազդանշան է այն բանի, որ մենք մտնում ենք իրավիճակի մեջ, որը վատանում է: Խուճապի պատճառներ չկան: Բայց այն պահին երբ հակադրվելուց և վարքից, որն օգնում է (պայքարել COVID-19-ի դեմ՝ ըստ խմբ.) առաջանում է հոգնածություն, շատ կարևոր է ազդանշան տալ: Սա նաև համերաշխության հստակ ազդանշան է», - ասել է նա՝ մեկնաբանելով հինգշաբթի օրն առցանց մամլո ասուլիսին իր՝ դիմակով ներկայանալը:
Նյութը հրապարակման պատրաստեց Լիլիթ Ամիրաղյանը
