Խոսքը տուգանքի սահմանման մասին չէ
ՔԱՂԱՔԱԿԱՆՈՒԹՅՈՒՆ
ԱԺ փոխնախագահ Ալեն Սիմոնյանը վերջերս ներկայացրել է մի նախագիծ, որով առաջարկում է վիրավորանքի և զրպարտության համար փոխհատուցման չափը հնգապատկել, ԱԺ պետաիրավական հարցերի մշտական հանձնաժողովում արժանացել է հավանության։
1or.am կայքը այս թեմայով զրուցել է Պետաիրավական հանձնաժողովի նախագահ, Իմ քայլը խմբակցության պատգամավոր Վլադիմիր Վարդանյանի հետ։ Վլադիմիր Վարդանյանը անդրադառնալով նախագծին ասել է․
«Նախագիծը ընդունվել է ԱԺ պետաիրավական հանձնաժողովի կողմից, և դրվելու է մյուս լիագումար նիստերի օրակարգում։ Հանձնաժողովը նախագծին տվել է դրական եզրակացություն, սահմանվել է հատուկ ժամային ռեժիմ՝ ավելի երկար, որը անհրաժեշտ է, որպեսզի Հայաստանի Հանրապետության պատգամավորությունը և ժողովուրդը ծանոթանան առաջարկված փոփոխություններին։ Փոփոխությունները վերաբերում են դատարանի կողմից պատվի և արժանապատվությանը հայցերի ներկայացման պարագայում առավելագույն շեմը ըստ պահանջի ֆիքսելու մասին։ Այսինքն եթե նախկինում ֆիքսված էր համապատասխանաբար 1 և 2 մլն, ապա պարոն Սիմոնյանի նախագծով առաջարկվում է այդ շեմը բարձրացնել մինչև համապատասխանաբար 3 և 5 մլն։ Խոսքը ոչ թե տուգանքի վերին շեմ սահմանելն է, այլ պարզապես հնարավորություն ընձեռելն է դատական իշխանության ներկայացուցիչ դատավորին, որ կարողանա կողմնորոշվել եթե առաջ այդ դատավորը իրավունք ուներ կողմնորոշվել այդ հայցի վերաբերյալ մինչև 2 մլն դրամը, ապա այս նախագծով առաջարկվում է այդ շեմը բարձրացնել մինչև 5 մլն։ Խոսքը ոչ թե տուգանքի սահմանման կամ տուգանքի վերին շեմը բարձրացման մասին է այլ հայց ներկայացնելու հնարավոր վերին շերտի մասին է»։
Սոնա Գիշյան
