Հայտնի է iPhone 12-ի շնորհանդեսի ամսաթիվը
ՖՈՏՈ
iPhone 12-ի և Apple-ի այլ արտադրանքների շնորհանդեսը տեղի կունենա սեպտեմբերի 15-ին: Այս մասին հաղորդել է “The Verge” հրատարակությունը:
Apple-ը հայտարարել է, որ ամենամյա աշնանային միջոցառումը տեղի է ունենալու սեպտեմբերի 15-ին ժամը 21:00-ին “Apple Park” գլխադասային գրասենյակում:Ընկերությունը լրագրողների չի հրավիրել, քանի որ միջոցառումն անցկացվելու է առցանց:
Ընկերության ներկայացուցիչները չեն նշել, թե ինչ արտադրանք է ներկայացվելու շնորհանդեսի ընթացքում:
The Verge-ի լրագրողները նշել են, որ այս տարի Apple Event-ը է տեղի ունենալու սպասվածից ավելի ուշ: Նրանք գտնում են, որ դա կարող է կապված լինել կորոնավիրուսային համաճարակի հետ:
Մասնագետների ենթադրության համաձայն՝ սեպտեմբերի 15-ին Apple-ը ներկայացնելու է iPhone 12 սմարթֆոնների չորս մոդել, նորացված iPad Air պլանշետ, Apple Watch 6 սմարթ-ժամացույցի երկու տարբերակներ և HomePod մոդելի բարձրախոսի պարզեցված տարբերակը:
Նյութը հրապարակման պատրաստեց Լիլիթ Ամիրաղյանը
