Զբոսաշրջիկները գտնելով անծանոթի հեռախոսը՝ փրկել են նրա կյանքը

Դստեր և նրա ընկերների հետ արշավի ժամանակ ամերիկուհի Դանա Պեյսը հեռախոս է գտել, որն օգնել է գտնել և փրկել կորած տղամարդուն: Այս մասին վերջինս պատմել է իր TikTok-յան էջում:

Զբոսաշրջիկները Մոնտանա նահանգում 10-օրյա արշավի ընթացքում կանգ են առել դաշտում: Այդ ժամանակ Դանայի աղջիկը խոտերի մեջ նկատել է հեռախոս, որի մարտկոցը նստել էր: Փոքրիկ արշավախումբը վերադարձել է մեքենա և լիցքավորել հեռախոսը, ինչից հետո կարողացել է միացել այն: Հեռախոսի վերջին հաղորդագրությանը պատասխանելով՝ ճանապարհորդները գրել են, այն գտնելու մասին: 20 րոպե անց հեռախոսին զանգել է հեռախոսի տիրոջ քույրը և ասել, որ եղբայրը 4 օր առաջ կորել է:

Դանան ոստիկանություն է ուղարկել տեղանքի լուսանկարներն ու կոորդինատները, որտեղ գտնվել էր հեռախոսը, այնուհետև այն տարել է բաժին:

Վեց օր հետո ճանապարհորդները կորածի քրոջից ստացել են հետևյալ հաղորդագրությունը.

«Եթե չլինեիք Դուք, Ձեր աղջիկն ու նրա ընկերները, մենք այդպես էլ չէինք իմանա՝ որտեղ փնտրել նրան: Մեկ անգամ ևս շնորհակալ ենք»,- գրել է աղջիկը:

Նյութը հրապարակման պատրաստեց Լիլիթ Ամիրաղյանը:

www.1or.am