Հայտնի է աշխարհի ամենաբարձր վարձատրվող երգիչը
ՖՈՏՈ
Forbes-ի ամենամյա վարկանշային ցուցակի համաձայն՝ Քանյե Ուեսթը ճանաչվել է աշխարհի ամենաբարձր վարձատրվող երգիչ։
Ամենահարուստ հայտնիների շարքում կան մոդելներ, երգիչներ, սպորտսմեններ և դերասաններ։ Առաջին տեղը զբաղեցնում է Kylie Cosmetics ընկերության հիմնադիր և ամերիկյան մոդել Քայլի Ջենները։ Իր ընկերության 51 տոկոսը վաճառելով՝ նա վաստակել է 590 մլն դոլար։
Երկրորդ տեղը զբաղեցնում է ռեփեր Քանյե Ուեսթը՝ 170 մլն դոլար եկամուտով։ Նրա ֆինանսական հաջողությունը կապված է իր Yeezy ապրանքանիշի սպորտային կոշիկների վաճառքի հետ։
Առաջատարների եռյակը եզրափակել է շվեյցարացի թենիսիստ Ռոջեր Ֆեդերերը՝ 106,3 մլն դոլար կարողությամբ։ Նա իր հարստությունը դիզել է եկամտաբեր գովազդային պայմանագրերի շնորհիվ։
Ամենաբարձր վարձատրվող հայտնիների տասնյակում են նաև Քրիշտիանու Ռոնալդուն (105 մլն դոլար), Լիոնել Մեսսին (104 մլն դոլար), Թայլեր Պերրին (97 մլն դոլար), Նեյմարը (95,5 մլն դոլար), Հովարդ Սթերնը (90 մլն դոլար), Լեբրոն Ջեյմսը (88,2 մլն դոլար) և Դուեյն Ջոնսոնը (87,5 մլն դոլար)։
Անցյալ տարի ամենաբարձր վարձատրվող հայտնիների ցուցակը գլխավորել է փոփ-երգչուհի Թեյլոր Սվիֆթը։
Նյութը հրապարակման պատրաստեց Լիլիթ Ամիրաղյանը:
