Ուսման նպատակով արտերկիր մուտքի արտոնագիր ստանալու համար հարկավոր է դիմել ԱԳՆ
ՀԱՍԱՐԱԿՈՒԹՅՈՒՆ
Գաղտնիք չէ, որ ողջ աշխարհում COVID-19-ի համավարակ հայտարարելուց հետո բոլոր դեսպանատները փակվեցին և մինչ օրս չեն աշխատում: Մինչդեռ կան մարդիկ, որոնք միջազգային բուհեր են ընդունվել, սակայն դեսպանատների փակ լինելու պատճառով չեն կարողանում տվյալ երկրի մուտքի արտոնագիր ստանալ:
Հարցի մասին պարզաբանում ստանալու համար 1or.am-ը դիմեց ԱԳՆ մամուլի խոսնակ Աննա Նաղդալյանին:
«Այս դեպքում, քանի որ խոսքը այլ պետությունների դեսպանատների վերաբացվելուն է վերաբերում, ապա չեմ կարող ասել, թե երբ կսկսեն իրենց աշխատանքը: Բայց եթե կան ուսանողներ, որոնք ուսումը շարունակելու հետ կապված վիզայի խնդիրներ ունեն, կարող են դիմել ԱԳՆ թեժ գծին, որպեսզի մենք կարողանանք նրանց հետ անձամբ աշխատել և հարցերը կարգավորելու ուղիներ գտնել»,- ասաց Ա. Նաղդալյանը:
Հասմիկ Մովսիսյան
