«Կոտրված սրտի համախտանիշն ու քաղցկեղը կապված են»,- ասում են գիտնականները

CNN-ը հաղորդում է, որ գիտնականները պարզել են՝ կոտրված սրտի համախտանիշի և քաղցկեղի միջև կապ կա:

Կոտրված սրտի համախտանիշը հայտնի է նաև որպես՝ սթրեսի հետևանքով առաջացած կարդիոմիոպաթիա: Դրա ախտանշաններից մեկը կրծքավանդակի հանկարծակի ցավն է, որը պայմանավորված է սթրեսային հորմոնների արտազատումով:

Համախտանիշի ախտանշաններն են՝

• Ուժեղ սթրեսից հետո կրծքավանդակի ցավ ու հևոց,

• Էլեկտրասրտագրության խանգարումներ, որոնք նմանակում են սրտի կաթվածի,

• Սրտի ձախ փորոքի շարժման խանգարումներ,

• Փորոքի փուչիկացում,

• Կորոնար շնչերակության խանգարման նշանների բացակայություն,

• Վերականգնում մեկ ամսվա ընթացքում:

Ամերիկյան սրտաբանական ասոցիացիայի ամսագրում տպագրված նոր հետազոտության համաձայն՝ կոտրված սրտի սինդրոմը կարող է կապված լինել քաղցկեղի հետ:

Հետազոտությունը պարզել է, որ նշված համախտանիշն ունեցող վեց մարդկանցից մեկի մոտ քաղցկեղ է առաջացել: Բացի դրանից, ախտորոշումից հետո՝ 5 տարվա ընթացքում՝ այդ մարդկանց մահվան ավելի մեծ հավանականություն է գրանցվել, քան սինդրոմը չունեցողների մոտ:

Հետազոտողները, սակայն, նշել են, որ կոտրված սրտի սինդրոմի և քաղցկեղի միջև եղած պատճառահետևանքային կապերը դեռևս չեն բացահայտվել: Բայց այն, որ նրանք որոշակի կապ ունեն, դա փաստ է: Պետք չէ, որ մարդիկ, ովքեր քաղցկեղ կամ կոտրված սրտի համախտանիշ ունեն, խուճապի մատնվեն. նրանք պարզապես պետք է հետազոտվեն՝ հավանական քաղցկեղը ժամանակին ախտորոշելու համար:

Նյութը հրապարակման պատրաստեց Լիլիթ Ամիրաղյանը:

www.1or.am