Կինն առևանգել է 2 տարեկան երեխայի, որ սիրեկանին համոզի ամուսնանալ

Օգոստոսի 21-ին Վիետնամի Բակին նահանգում 32-ամյա բնակչուհի Նգույեն Տխի Տխուն առևանգել է երկու տարեկան երեխայի՝ սիրեկանին՝ իր հետ ամուսնանալ ստիպելու հույսով:

Հենց որ երեխայի հայրն ուշադրությունը շեղել է, կինը տղային տարել է՝ համոզելով, որ գնան՝ իր բնակարանում միասին խաղալու: Հաջորդ առավոտ նա երեխային տարել է Տուենկուանգ նահանգ, որտեղ ապրում էր իր սիրեկանը:

Ոստիկանները կնոջը գտել և բերման են ենթարկել: Տխուն խոստովանել է, որ սիրելիից թաքուն վիժել է, բայց քանի որ ուզում էր համոզել նրան՝ ամուսնանալ իր հետ, երեխայի է առևանգել՝ որպես իրենց տղա ներկայացնելու համար: Կինն ասել է, որ ինքը երեխային լավ է խնամել՝ նրան կերակրել է, հագուստ ու խաղալիքներ է գնել, այդ իսկ պատճառով երեխան չի վախեցել նրանից:

Սիրեկանը չի հավատացել, որ դա իր երեխան է, ուստի կինը պատրաստվում էր վերադարձնել երեխային:

Նյութը հրապարակման պատրաստեց Լիլիթ Ամիրաղյանը:

www.1or.am