Հայտնի է կորոնավիրուսից բուժվելուց հետո կրկին վարակվելու պատճառը
ՀԱՍԱՐԱԿՈՒԹՅՈՒՆ
ԱՄՆ-ի Մասաչուսեթսի հանրային հիվանդանոցի բժիշկներն ապացուցել են, որ COVID-19-ով վարակվածների մոտ որոշ ցիտոկինների բարձր մակարդակը կարող է կանխել կորոնավիրուսային համաճարակի նկատմամբ կայուն իմունիտետի ձևավորմանը: Սրա մասին նշվել է Cell ամսագրում:
Մասնագետներն ուսումնասիրել են COVID-19-ով վարակված մահացած հիվանդների փայծաղն ու ավշային հանգույցները և պարզել, որ դրանցում բացակայում են գերմինատիվային կենտրոնները, որոնք կայուն իմունային պատասխանի անբաժան մասն են կազմում: Գերմատիվային կենտրոններն ավշային հանգույցներում և փայծաղում վարակների ու պատվաստումների ժամանակ առաջացող կառույցներ են: Դրանց մեջ հասունանում են հակամարմիններ առաջացնող B-լիմֆոցիտները, որոնք դառնում են իմունային հիշողության երկարակյաց բջիջներ: Մարդու՝ կրկնակի վարակվելու դեպքում՝ օրգանիզմը՝ B-լիմֆոցիտների օգնությամբ արագ և արդյունավետ կերպով նույնականացնում է ախտածնին և հարձակում գործում:
Գերմինատիվային կենտրոնների ձևավորման համար կարևոր դեր ունեն T-բջիջները: Պարզվել է, որ COVID-19-ի ծանր դեպքի ժամանակ T-բջիջներ չեն ձևավորվում: Դրա պատճառը գերմինատիվ կենտրոնների համար «նախատեսված» հատվածներում ցիտոկինների բարձր մակարդակի առկայությունն է:
Նշանակում է, որ չնայած հակամարմինների՝ հարաբերականորեն կարճ ժամանակի ընթացքում օրգանիզմը պաշտպանելու կարողությանը՝ առողջացած մարդկանցից ոմանք կարող են մի քանի ամիս անց կրկին վարակվել COVID-19-ով: Այնուամենայնիվ, դա չի ազդի ցիտոկինի աճին չնպաստող պատվաստանյութերի արդյունավետության վրա:
Նյութը հրապարակման պատրաստեց Լիլիթ Ամիրաղյանը
