Վիտիլիգո հիվանդությամբ տառապող տղան, նախքան յուրահատուկ շանը հանդիպելը, իր արտաքին տեսքը տանել չէր կարողանում

Կարտեր Բլանչարդը 8-ամյա տղա է, ով տառապում է վիտիլիգո կոչվող մաշկային հիվանդությամբ: Հիվանդության պատճառով նա ատում էր իր արտաքինը մինչև այն օրը, երբ հանդիպեց միևնույն հիվանդությունն ունեցող շանը:

Կարտերի մայրը պատահաբար համացանցում մի վիդեո է տեսնում, որում վիտիլիգո կոչվող հիվանդություն ունեցող շուն կար: Պարզեցին, որ դա Դեբոշիր անունը կրող 13-ամյա լաբրադոր է, որը հայտնի է դարձել իր մաշկային հիվանդության «շնորհիվ»: Շունը ախտորոշվել է նույն օրը, ինչ որ տղան: Կարտերն այդ մասին իմանալուն պես ցանկանում է տեսնել շանը: Տղան և շունն առաջին անգամ հանդիպում են 2020 թվականի օգոստոսին, ինչից հետո Կարտերը սեփական արտաքինի հանդեպ վերաբերմունքը փոխում է դեպի դրականը:

Տղայի մայրը նշում է, որ Դեբոշիրի հետ ընկերությունը երեխային օգնել է ավելի ինքնավստահ ու երջանիկ դառնալ:

Նյութը հրապարակման պատրաստեց Լիլիթ Ամիրաղյանը:

www.1or.am