Ավետարան ըստ…

Մենք Հայաստանը պետք է կառուցենք այնպես, ինչպես կկառուցեինք Հիսուսի երկրորդ գալստյանը սպասելիս

                                                                                           Նիկոլ Փաշինյան

Ի սկզբանե քաոս էր: Եվ որոշեց նա, որ դա վատ է:

Ես ասաց նա. «Քայլ արա, մերժիր Սերժին»։

Ես տեսավ նա, որ Սերժը թավշյա է և իրեն չի ձերբակալում։ Եվ տեսավ, որ նա իր համար բարի է:

Օր առաջին։

Եվ ուրախացան բոլորը: Եվ ժպտացին: Եվ ստեղծեց նա հներին ու նորերին: Եվ դարձավ նա վարչապետ: Եվ տեսավ, որ դա իր համար բարի է:

Օր երկրորդ:

Եվ ստեղծեց  նա պողոսներին ու ֆեյքերին, և  բաժանեց բոլորին սևերի և սպիտակների: Եվ լայվ մտավ նա, ու ասաց որ իր համար բարի է դա։

Օր երրորդ:

Եվ ասաց նա. «Փռեք ասֆալտին և ծեփեք պատերին»։ Եվ ստեղծեց նա Արայիկին ու Արսենին: Եվ տեսավ նա, որ դա բարի չէ: Այդ ժամ որոշեց իր նմանությամբ և կերպարով ստեղծել 88 պատգամավոր: Եվ բարի կլիներ դա, եթե չմոռանար խելք տալ նրանց:                                                   

Օր չորրորդ:

Եվ ասաց նա. «Լադիմիր Լադիմիրիչ»։ Եվ երազախաբ եղավ նա, թե իբր բարի է դա: Որովհետև երազից հետո՝ առավոտյան եկավ Մարգոն: Եվ հասկացավ նա, որ իր համար բարի չեն: Եվ բաց թողեց նա Քոչարյանին: 

Օր հինգերորդ:

Եվ եկավ կորոնան: Եվ շան տեղ չդրեց նա COVID-ին: Եվ տեսավ, որ պինցետը չի օգնում: Եվ փակեց տնտեսությունը, իսկ բանալին դրեց «պոլի շորի տակ»: Եվ սկսվեց համատարած դիմակահանդեսը:                                                                                                                                   

Օր վեցերորդ:

Եվ եկավ յոթերորդ օրը: Օրենքով պետք է հանգստանար նա: Բայց ոչ մի կերպ չէր հանգստանում:

 Ի ՎԵՐՋՈ ԿՐԿԻՆ ՔԱՈՍ Է

Միքայել Ղևոնդյան 1or.am