Նիկոլ Փաշինյանը հիանալի լուր է հայտնել
ՀԱՍԱՐԱԿՈՒԹՅՈՒՆՆիկոլ Փաշինյանը համոզված է, որ այն, ինչ կատարվել է մեկ օրում, միայն մի բացատրություն կարող է ունենալ։
ԵՐԵՎԱՆ, 13 ապրիլի – Sputnik. ՀՀ վարչապետ Նիկոլ Փաշինյանը հայտնում է, որ այսօր Կենտրոնական բանկը արտարժույթի շուկայից 8.1 միլիոն դոլար է գնել։
«Որքան էլ զարմանալի թվա, ԿԲ–ն այսօր 8.1 միլիոն դոլար է գնել։ Սա այլ բացատրություն, քան ֆինանսական շուկայի վստահություն կառավարության վարած հակաճգնաժամային քաղաքականությանը, չի կարող ունենալ»,–Facebook սոցցանցի իր էջում գրել է Փաշինյանը։
Նրա խոսքով` սա խոսում է այն մասին, որ մարդիկ վստահում են կառավարության վարած քաղաքականությանը, վստահում են դրամին։
Կառավարությունը կփոխհատուցի փետրվարի լույսի ու գազի վարձի կեսը. ովքեր են շահառուները
Հիշեցնենք, որ այսօր Փաշինյանը հայտնել էր նաև, որ ՀՀ բանկերը եւ վարկային կազմակերպությունները վարկային արձակուրդ են տրամադրել 320 հազար ֆիզիկական անձանց՝ 12 միլիարդ դրամի չափով (ապրիլի 9-ի դրությամբ՝ 290 հազար անձ, 9.3 միլիարդ դրամ): Վարկային արձակուրդ է տրվել նաեւ 6600 իրավաբանական անձի՝ 28 միլիարդ դրամի չափով (ապրիլի 9-ի դրությամբ՝ 5300 իրավաբանական անձ՝ 15 միլիարդ դրամի չափով):
