Ucom-ը նոր՝ տարածաշրջանային սկանդալի կենտրոնում

Պարզվում է Ucom-ի շուրջ զարգացող իրադարձությունները միայն Հայաստանով չեն սահմանափակվում: Հետաքրքիր է, որ նախկինում հեռահաղորդակցության ոլորտում հարևան Վրաստանում ծագած խնդիրների թե՛ սցենարներն են նման, թե՛ անձինք են նույնը:

Օրերս վրացական պետական Pia.ge տեղեկատվական ծառայությունը և մի շարք այլ վրացական հեղինակավոր՝ commersant.ge և bfm.ge էլեկտրոնային պարբերականներ անդրադառնալով հայաստանյան Ucom-ի և «ՎԵՈՆ Արմենիա» ընկերությունների վերամիավորման շուրջ ստվերային պայմանավորվածություններին, զուգահեռներ են անցկացրել վրացական դեպքերի հետ: (https://pia.ge/ka/news/society/somkhuri-satelekomunikatsio-bazris-skandali-sakartvelosats-ukavshirdeba/?fbclid=IwAR2W5uFTpiw3oAzn9kSBFWcW4dd3MtJF_brmJrY1TaOkofEKL-idxjwadOM, 

https://commersant.ge/ru/post/skandal-na-telekommunikacionnom-rinke-armenii-sviazan-i-s-gruziey?fbclid=IwAR2ywB87QgpWmucLekJQ-aWsyLZg-tRQXO1XYGOe7OZZoUjMQHINnaHhOYE):

Խոսքը Beeline Georgia ընկերությունում տեղի ունեցած իրադարձությունների մասին է, որը 2009-2011 թվականներին ղեկավարել է «ՎԵՈՆ Արմենիա» ընկերության՝ Beeline ապրանքանիշի ներկայիս գլխավոր տնօրեն Անդրեյ Պյատախինը: Ուշագրավ է, որ վրաստանյան բացահայտումների արդյունքում ծանր մեղադրանքների պատճառով Պյատախինը ստիպված է եղել հեռանալ ընկերությունից:

 Ու թեև այն ժամանակ գործը չի հասել քրեական պատասխանատվության, սակայն հեռահաղորդակցման բիզնես-շրջանակները Մոսկվայում Պյատախինի «առաջխաղացումը» հիմնավորել են Beeline-ի վրացական գրասենյակում լայնամասշտաբ և համակարգված գործունեության հետ: 

Ստացվում է, Եսայան եղբայրների մեջքի հետևում ստվերային պայմանավորվածություններն ու նրանց փաստի առջև կանգնեցնելու սցենար եղել է, որը թեև Խաչատրյան եղբայրները հերքում են, սակայն, բավական մոտ է եղել այն ավարտին հասցնելու օրը, որը, բարեբախտաբար, ժամանակին կանխվեց Հայկ և Ալեքսանդր Եսայանների բացահայտման շնորհիվ: