Գյումրիի ողբերգությունը՝ պատվի հարց է. գնալու ենք մինչև վերջ. Վահե Էնֆիաջյան
ԱՄԵՆԱԸՆԹԵՐՑՎԱԾ
Գյումրիում տեղի ունեցած ողբերգությունից հետո «Բարգավաճ Հայաստան» կուսակցությունը շարունակում է ընտրապայքարը հոկտեմբերի 2-ին կայանալիք ավագանու ընտրություններում:
ԱԺ ԲՀԿ խմբակցության քարտուղար Վահե Էնֆիաջյանի հավաստամբ՝ ի սկզբանե Վարդևան Գրիգորյանի հեղինակությունը Գյումրիում շատ բարձր էր և հիմա էլ շարունակում է բարձր լինել: «Մենք մեր պայքարը, մեր քարոզարշավը շարունակում ենք, տեղի ունեցած իրադարձության պատճառով Վարդևան Գրիգորյանը հնարավոր է չմասնակցի քարոզարշավին, բայց թե՛ կուսակցության պատգամավորները, թե՛ ղեկավարը շարունակելու են պայքարը»,-նշեց ԲՀԿ խմբակցության ղեկավարը:
Այս ողբերգությունը կանդրադառնա՞ ընտրությունների վրա, թե ոչ, Վահե Էնֆիաջյանը չցանկացավ մեկնաբանել. «Չեմ ուզում մեկնաբանել, թե ինչպես կանդրադառնա, սակայն մենք փորձելու ենք մեր պայքարը շարունակել, որովհետև հենց նաև այդ դեպքից ելնելով, այս ընտրապայքարը մինչև վերջ շարունակելը մեզ համար պատվի հարց է դարձել»:
Անդրադառնալով տեղի ունեցած ողբերգությանը՝ Վահե Էնֆիաջյանը նշեց, որ իր համար ընդունելի չէ Վարդևան Գրիգորյանի որդու՝ Արշակ Գրիորյանի ինքնասպանության վերաբերյալ պաշտոնական վարկածը.
«Հաշվի առնելով այն հանգամանքը, որ 26-ամյա երիտասարդը առողջական, ֆինանսական, անձնական խնդիր չուներ, իր ընկերների հետ պայմանավորվել էր, թե ինչ տեխնիկական հարցեր պետք է լուծեր քարոզաշավի ժամանակահատածում, որևէ գրառում չկա ինքնասպանության վերաբերյալ. չեմ հավատում այս վարկածին: Այս ամենը խոր ուումնասիրությունների առարկա է»:
