Ամանորին խաղաղություն եմ ուզում առաջինը զինվորի համար. Սեդա Սեյրանյան

Երգչուհի Սեդա Սեյրանյանը նոր տեսահոլովակ է ներկայացրել ամանորի առիթով:

Past.am -ը երգչուհուն ամանորի հետ կապված հարցեր ուղղեց.

-Ամանորին ի՞նչ եք մաղթում երիտասարդներին։

- Ուզում եմ երիտասարդները լավ կրթություն ստանան, իսկ սահմանին կանգնած հայ զինվորի համար առաջին հերթին խաղաղություն եմ ուզում:

-  Ամենաբարի ու առատաձեռն ձմեռ պապիկը,  ո՞ր տարին էր տպավորիչ նվերներ բերել փոքրիկ Սեդային։

 -Մանկությանս տարիների իմ հիշողություններում միշտ նվերներով հարուստ երեխա եմ եղել: Այդպիսի մանկություն մաղթում եմ բոլոր մանուկներին: Թող Ձմեռ պապիկը կախարդական մի ուժով փոքրիկների համար անհնարինը հնարավոր դարձնի:

- Կամո Սեյրանյանի դուստրը հայրիկից ի՞նչ ակնկալիքներ ունի նվերի տեսքով։

- Քանի որ սկսել եմ երգչուհի լինելու իմ երազանքը իրականացնել, վստահ եմ, որ հայրս այդ ամբողջ ընթացքում կողքիս է լինելու և մենք միասին ենք իրականացնելու այն աշխատանքները, որոնք նախատեսել ենք 2020 թ- ին: Կփորձեմ ճաշակով ձևավորված երաժշտական գործերով ներկայանալ ու նոր շունչ բերել արվեստի այս ճյուղին։