«Մեր նպատակն է վերացնել պրիմիտիվ գողությունը». Վարաչապետը՝ նախարարներին ճոխ չվերթներից զրկելու մասին
ՊԱՏՄՈՒԹՅԱՆ ԱՅՍ ՕՐԸ
Կառավարության այսօրվա նիստի ժամանակ գործադիրը քննարկեց ավիափոխադրման ծառայությունների գնման գործընթացում ընտրության չափորոշիչներ հաստատելու և որոնողական էլեկտրոնային հարթակի օպերատոր ճանաչելու մասին հարցը:
Իրավական ակտի նպատակն է կանոնակարգել պետական գնումների շրջանակում պատվիրատուների կողմից ավիափոխադրման ծառայությունների գնման գործընթացի առանձնահատկությունները և սահմանել ավիափոխադրող ընկերությունների կողմից ներկայացվող գնառաջարկների միջև ընտրություն կատարելու չափորոշիչները:
Մասնավորապես՝ որոշում էր կայացվել նախարարներին զրկել ճոխ չվերթներից:
Ներդրվող ծրագրի հիմնական կանոնը հետևյալն է՝ գործադիրի հասարակ աշխատակիցները պետք է օգտվեն բացառապես էկոնոմ դասի չվերթներից, ընդ որում՝ գնվելու է ամենաէժան տոմսը, որը չի նախատեսում վերադարձ և ժամկետի փոփոխում:
Երկրորդ խումբը նախարարներն են, որոնց համար նախատեսվում է էկոնոմ դասի տոմս, եթե թռիչքի տևողությունը ութ ժամից ավել է: Երրորդ խումբն անվտանգության խորհրդի անդամներն են, որոնց համար նախատեսվում է բիզնես դասի տոմսերը:
Նախագիծը ներկաացնելուց հետո վարչապետ Կարեն Կարապետյանը հայտարարեց, թե իրենք ոլորտում ներդնելու են բավական բարդ համակարգ, որ վերացնեն պրիմիտիվ գողությունը:
«Մեր նպատակն է վերացնել պրիմիտիվ գողությունը: Բոլորդ Ձեր համակարգերում կարգի բերեք: Ինձ զեկուցել են, թե մինչև այժմ ինչ մեխանիզմներ են գործել, որ ուղղակի ֆանտազիայի ժանրից է»,- ասաց Կարապետյանը և հայտարարեց, որ այն ռեսուրները որոնք դրվել են օրենքը շրջանցելու վրա, եթե դրվեր այլ ոլորտում էֆեկտը շատ ավելի լավը կլիներ:
