Սահմանապահ գյուղերում նորածիններին կտրամադվի 1000 դոլար և ամսական 100 հազար դրամ՝ մինչև 3 տարեկան դառնալը
ՀԱՍԱՐԱԿՈՒԹՅՈՒՆՍահմանապահ գյուղերում նորածիններին կտրամադվի 1000 դոլար և ամսական 100 հազար դրամ՝ մինչև 3 տարեկան դառնալը։ Այս մասին տեղեկացնում է ԱԺ պատգամավոր Արման Բաբաջանյանը՝ ֆեյսբուքյան իր էջում կատարելով գրառում։
«Շատ լավ լուր սահմանապահ՝ Ադրբեջանի հետ անմիջական սահմանակից, գյուղերի բնակիչների համար:
Այսօր տևական բանակցություններից հետո տեղի և սփյուռքյան խոշոր ձեռնարկատերերի հետ ձեռք բերեցինք պայմանավորվածություն Ադրբեջանի հետ անմիջական սահմանակից հայկական բոլոր բնակավայրերում ծնելիությունը խթանելուն ուղղված խոշոր ծրագիր սկսելու մտադրության մասին:
Ծրագիրը ներառելու է Տավուշի, Գեղարքունիքի և Վայոց ձորի մարզերի Ադրբեջանի հետ անմիջական սահման ունեցող բնակավայրերը: Վաղվանից սկսում ենք ուսումնասիրել վիճակագրությունը, առկա դրությունը և միտումները: Ծրագրի մեկնարկը կտրվի 2020թ. գարնանը:
Հավատում ենք, որ այսպիսի մեծ ծրագրի ներդրմամբ հնարավոր կլինի էապես փոխել սահմանապահ բնակավայրերի ժողովրդագրական պատկերը: Սահմանապահ խոշորացված համայնքների համար նախատեսված մեկ այլ խոշորամասշտաբ ծրագրի մասին՝ հաջորդիվ»,- գրել է Բաբաջանյանը:
