«Վանդալիզմին՝ վանդալիզմով չեն պատասխանում». Շարմազանով
ՀԱՍԱՐԱԿՈՒԹՅՈՒՆՎանդալիզմին՝ վանդալիզմով չեն պատասխանում: Այս մասին Facebook-ի իր էջում գրել է ՀՀԿ մամուլի խոսնակ Էդուարդ Շարմազանովը:
Նա, մասնավորապես, գրել է. «Ալեքսանդր Գրիբոյեդովը հայ-ռուսական իրական բարեկամական հարաբերությունների խորհրդանիշներից մեկն է։
Անուրանալի է նրա դերը, թե Թուրքմենչայի պայմանագրի ստորագրման եւ թե Պարսկաստանից հայ ժողովրդի վերադարձ -ներգաղթը Մայր Հայաստան կազմակերպման գործում։
Հ.Գ.Այն, որ Գարեգին Նժդեհի հուշատախտակը ներկելն ու ապամոնտաժելը վանդալիզմ եւ հիմարություն է՝ անհերքելի է։
Բայց վանդալիզմին՝ վանդալիզմով չեն պատասխանում»:
Ավելի վաղ NEWS.am-ը հայտնել էր, որ «Ցեղակրոն» կուսակցության նախագահ Շանթ Հարությունյանի որդին՝ Շահեն Հարությունյանը ֆեյսբուքյան իր էջում հրապարակել է ռուս գրող Ալեքսանդր Գրիբոյեդովի արձանի լուսանկարը, որտեղ երեւում է՝ արձանի վրա կամիր ներկ է լցված։ Նա լուսանկարին կից արել է նաեւ գրառում։
«Ուշադրություն։
Քիչ առաջ կարմիրով ներկել եմ Ռուսական կայսրության դեսպան, գրող Գրիբոյեդովի արձանը՝ ի պատասխան Նժդեհի հուշատախտակի ներկմանը»։
