Չեմ մեղադրում այդ մարդկանց, բայց դեմ եմ երևույթին. Սոնա Շահգելդյան
ՄՇԱԿՈՒՅԹՍոնա Շահգելդյանին ճանաչել ենք, որպես էմոցիոնալ, անմիջական մարդ:
Կենդանասեր երգչուհին Past.am-ի հյուրն էր:
- Մի քիչ խոսենք քաղաքականությունից , քանի որ այն արտիստներից էիր , ովքեր հենց սկզբից Իմքայլականների հետ էր , արդեն մեր օրերում գո՞հ ես իշխանությունից:
- Հենց առաջին օրվանից առանց թաքցնելու միացել եմ ժողովրդի պահանջին , մասնակցել եմ ցույցերին , փողոց փակելուն , զուգահեռ երգել եմ , ցանկացել եմ ավելի օրինավոր երկրում ապրել : Դա արել եմ առանց ակնկալիքի, ոչ թե ուրիշների նման PR - ի համար : Պետական հովանավորներ չեմ ունեցել , ինչի էլ հասել եմ իմ աշխատանքով եմ հասել : Հիմա էլ վարչապետին շատ եմ սիրում ու հավատում եմ նրան :
- Կենդանիների հանդեպ դաժան վերաբերմունքի հանդեպ քրեական գործ հարուցելուն , այդ նոր օրինագծին կողմ եք երևի:
- Երևի չէ , հաստատ կողմ եմ , ու ոչ միայն այդ օրինագծին , էլի կան օրինագծեր , որ կողմ եմ , օրինակ զինվորին նվաստացնելու համար 14 տարվա ազատազրկում և նման բաներ : Ուզում եմ երկրում այնպիսի օրենքներ լինեն և գործեն , որ ՀՀ - ում և մարդիկ , կենդանիները պաշտպանված լինեն , անարդարությունների զոհ չգնան : Ես երբեք չեմ ծախվում , ինձ համար թասիբը , նամուսը , հարգանքը վեր է ամեն ինչից :
- Իսկ այլընտրանք կառաջարկե՞ք, երբ բակերում թափառող շները աղբամաններից օգտվելուց հետո, լուսադեմին հարձակվում են անցորդների վրա:
- Երբեք չեն հարձակվում , եթե մարդը սխալ բան չի անում : Միշտ իմ սոց .էջերում հրապարակում եմ նյութեր անտուն կենդանիների վերաբերյալ ու հույս ունեմ մի ելք կգտնեն , եթե կա այդ խնդիրը : (Ուզում եմ չհամաձայնվել հարգելի երգչուհու հետ , որովհետև իմ ապրած թաղամասում ` քաղաքապետարանի մոտ , շները ամեն օր ոհմակ կազմած մարդկանց են սպասում և ես այդ տեսարանի ականատեսն եմ լինում ):
- Խոսեցիք թասիբ , նամուսից , պետական մակարդակով հովանավորվում են սեռական փոքրամասնությունները , ի՞նչ կասեք այս դեպքում:
- Ինքս չեմ ընդունում , որովհետև ապրում եմ քրիստոնյա ավանդական երկրում , որտեղ և որդի եմ մեծացնում : Ընտանիքիս հետ ապրում եմ մաքուր ու ճիշտ հայկական ավանդական ծեսերով , մտածելակերպով : Ես չեմ , որ մարդկանց պիտի դատեմ , չեմ կարող մեղադրել , սակայն հաստատակամ կարծիք ունեմ , չեմ ընդունում այդ երևույթը :
- Տղա երեխա մեծացնող Սոնան որդու հանդեպ խի՞ստ մայր է:
Այո խիստ եմ որոշ հարցերում , երազում եմ արժանի զավակ մեծանա ինձ համար , հայրենիքի համար :
