«ՉԻ». Տեղեկատվական հուժկու գրոհ Ադրբեջանից. կիրառվելու է դիֆեյսի մեխանիզմը
ՄԱՄՈՒԼԻ ՏԵՍՈՒԹՅՈՒՆ
«Չորրորդ իշխանություն» թերթը գրում է. «ՉԻ» տեղեկություններով՝ ՀՀ անկախության 25 ամյակին նվիրված միջոցառումները անհանգստացրել են ադրբեջանցիներին։ Մասնավորապես՝ տեղեկատվական անվտանգության Հայաստանի մասնագետները ինֆորմացիա ունեն, որ ադրբեջանցիները պատրաստվում են այդ օրը կոտրել եւ վնասել որոշ պաշտոնական կայքեր եւ էլեկտրոնային լրատվամիջոցներ՝ իբր այդպիսով հարամելով «ազգային միասնության» տոնակատարությունների շարքը։
Խոսակցություններ կան, որ այս անգամ խոսքը ոչ թե ավանդական դարձած կայք կոտրելու մասին է, երբ կայքը պարզապես դադարում է աշխատել, այլ հիմա ադրբեջանցիները որոշել են դիֆեյսի մեխանիզմը կիրառել։ Սա նշանակում է, որ կայքերը կշարունակեն աշխատել, սակայն նրանց գլխավոր էջերը կուղղորդվեն դեպի ադրբեջանցիների ուղղորդած լինկերը։ Իսկ այդ լինկերում տեղադրված են լինելու Ռամիլ Սաֆարովի հերոսացած նկարները՝ համապատասխան տեքստով. ինչպես նաեւ Ադրբեջանի նախագահի եւ պաշտպանության նախարարի խոսքն ուղղված հայ գեներալներին։
Մեր տեղեկություններով, սակայն, Հայաստանի տեղեկատվական ոլորտի անվտանգության մասնագետներն արդեն ունեն համապատասխան ինֆորմացիան եւ նույնիսկ մշակել են մեխանիզմը ինչպես խուսափել ադրբեջանական գրոհից»:
Առավել մանրամասն՝ թերթի այսօրվա համարում
