Խոշոր հրդեհ Արթիկ քաղաքում. անգարում կրակը հանգցնելու համար ժամանել են մեծ թվով հրշեջներ. ՖՈՏՈՌԵՊՈՐՏԱԺ

shamshyan.com -ը գրում է.

Սեպտեմբերի 7-ին, խոշոր հրդեհ է տեղի ունեցել Շիրակի մարզում: Ժամը 19:00-ի սահմաններում Արտակարգ իրավիճակների նախարարության փրկարար ծառայության Շիրակի մարզային փրկարարական վարչության օպերատիվ կառավարման կենտրոն ահազանգ է ստացվել, որ հրդեհ է բռնկվել Արթիկ քաղաքի Գորկու փողոցում կամրջի հարևանությամբ գտնվող անգարում:

Ինչպես հայտնում է ֆոտոլրագրող Գագիկ Շամշյանը, ժամանել են թիվ 49 հրշեջ-փրկարարական ջոկատը, այնուհետև թիվ 51 հրշեջ-փրկարարական ջոկատի ջրատարը և թիվ 48 հրշեջ-փրկարարական ջոկատը: Հրշեջները քաղաքացիների օգնությամբ մարել են Աշոտ Առաքելյանին պատկանող անգարում առաջացած հրդեհը: Հրշեջների աշխատանքները տեղում ղեկավարել է Շիրակի մարզային փրկարարական վարչության պետ, գնդապետ Արթուր Կարապետյանը:

Ըստ նախնական տեղեկությունների՝ այրվել է կուտակած վառելափայտը, կենցաղային իրեր, մոտակայքում՝ անգարի հարևանությամբ մոտ 200 քմ խոտածածկ տարածք, ինչպես նաև պատերի ջերմամեկուսիչ շերտը և ջերմահարվել է «CAT» տեսակի ամբարձիչը:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները՝ Հարություն Համբարյանի shamshyan.com http://shamshyan.com/hy/article/2016/09/07/94934/