Ռուսական նոր տեխնոլոգիա. Կիսամերկ կանայք վարորդներին հիշեցնում են արագությունը նվազեցնելու մասին
ՎԻԴԵՈ
Ռուսաստանում հիանալի մեթոդ են գտել վարորդներին ճանապարհային երթեւեկության կանոնները հիշեցնելու, մեքենաների արագությունը նվազեցնելու եւ վթարները կանխելու համար։
Այս հարցում օգնության են եկել կիսամերկ աղջիկները, որոնք կանգնում են Նիժնի Նովգորոդի կենտրոնական շրջանում գտնվող Սեւերնի գյուղի ճանապարհի բանուկ հատվածի մայթին եւ ցուցադրում 60 եւ 40կմ/ժ թույլատրելի արագության ցուցանակներ։
Այս յուրօրինակ ակցիայի կազմակերպիչները համոզված են, որ արագությունը գերազանցող վարորդները, որոնց մեծ մասը տղամարդիկ են, կանանց տեսնելիս ակամայից նվազեցնելու են արագությունը՝ հիանալու ճանապարհային անվտանգ երթեւեկություն ապահովող կանանցով։
Նշենք, որ շատ տեղացիներ արդեն հասցրել են կազմակերպիչներին շնորհակալություն հայտնել, քանզի նախկինում անչափ վտանգավոր էր այդ հատվածում հատել փողոցը։
«Մեր վարորդները սովորաբար չեն նվազեցնում արագությունը, երբ անցնում են բնակավայրի եւ գյուղի կողքով՝ չնայած առկա ցուցանակներին։ Բայց մենք ստիպում ենք նրանց անել դա»,- ասել է գեղեցկուհիներից մեկը։
Ի դեպ, Նիժնի Նովգորոդի ոստիկանապետը նշել է, որ նման միջոցառումներ կատարվել են նաեւ անցյալ տարի, պարզապես աղջիկների հագուստները այդքան բաց չէին, ինչպես այս անգամ։
Աղբյուրը՝ Daily Mail
