Քլոե Քարդաշյանը նոր սիրեցյալ ունի. Ֆոտո, տեսանյութ
ՎԻԴԵՈ
Հայտնի է, որ Քլոե Քարդաշյանը փորձում է իր անձնական կյանքը կարգավորել: The Keeping Up With The Kardashians ռեալիթի շոուի աստղը ամուսնալուծվում է ամուսնուց՝ բասկետբոլիստ Լամար Օդոմից, որը Լոս Անջելեսից Նյու Յորք է տեղափոխվել. նրան մշտապես հարբած են տեսնում տեղի բարերում:
Քլոեին հերթական մարզիկի հետ (Քլոեն սիրավեպ է հաստատում բացառապես բասկետբոլիստների կամ ռեփերների հետ) «բռնացրել» են Մեքսիկայում: Այս անգամ Քիմ Քարդաշյանի 32-ամյա քրոջ ընկերը կանադացի բասկետբոլիստ Տրիստան Թոմփսոնն է, որը խաղում է «Քլիվլենդ Կավալյերս»-ի կազմում:
25-ամյա մարզիկին եւ Քլոյեին «բռնացրել» են հիդրոցիկլերով շրջելիս:
Քլոեն եղել է «Մալիբուի փրկարարներ»-ի հանդերձանքի նման կոստյումով:
Ի դեպ, զույգին առաջին անգամ միասին են տեսել հանգստյան օրերին Բեւերլի Հիլզում. ասում են նրանք միասին խրախճանքի են եղել գիշերային ակումբում, որից հետո Քլոեի նոր սիրեցյալի մասին լուրերը հեղեղել են համացանցը:
