Գագիկ Ծառուկյանի քաղաքականության մեջ լինելը ժողովրդի պահանջն է...

Մհեր Խաչատրյանն իր ֆեյսբուքյան էջում գրում է.

Գագիկ Ծառուկյանի խորհրդարանում լինելու հանգամանքը վերջին շրջանում որոշակի զանգվածի խիստ մտահոգել է: Դրա վերաբերյալ նրանք անհիմն ու անտրամաբանական հայտարարություններ են անում: Այս առիթով նրանց խորհուրդ կտամ ծանոթանալ համացանցում շրջանառվող տեսանյութերին, որոնցում հստակ երևում է, որ հենց ժողովուրդն է խնդրում Գագիկ Ծառուկյանին խորհրդարանում իրենց ձայնը լսելի դարձնել, բարձրաձայնել առկա խնդրի հակառակ երեսը ևս, և այս տեսանկյունից ինչ-որ շահարկումներ անելն առնվազն անտրամաբանական է: Առավելևս ասել, որ Գագիկ Ծառուկյանը խորհրդարանում խոսում է որպես բիզնեսմեն պարզապես խեղկատակություն է: 
Լավ կլիներ, որ այս նեղ մասան, որն այդպես էլ չի կարողանում հասկանալ ինչ է ուզում, կամ ինչին է միտված իր քայլերը, պարզապես դադարի անպտուղ գործունեությամբ զբաղվել: Իհարկե՝այստեղ բոլորովին այլ հարց է, որ նրանց անհանգստացնում է Ծառուկյանի օրեցոր աճող վարկանիշը: Չնայած նույնսիկ այս պարագայում, որևէ մեկը, որևէ բարոյական իրավունք չունի սեփական ամբիցիաները բավարարելու համար՝ իր սուբյեկտիվ կարծիքը հրամցնել հանրությանը, խնդիրը տեղափոխելով այլ հարթակ: Փաստը մեկն է՝ Գագիկ Ծառուկյանն անկախ որևէ տեսակի խոսակցություններից երբեք չի դադարել շարժվել ի շահ ժողովրդի ու պետության: Այդպես եղել է ու այդպես էլ կշարունակվի անկախ ոմանց նեղ անձնական ամբիցիաներից կամ քաղաքական շահերից :
Վերջում՝ մեկ պարզ բայց տրամաբանական հարց, որտե՞ղ էին այսօրվա ամպագոռգոռ ելույթներով հանդես եկած անձինք, երբ Գագիկ Ծառուկյանն առաջ քաշեց տնտեսական հեղափոխության գաղափարը, կամ երբ Գագիկ Ծառուկյանի գլխավորությամբ հազարավոր աշխատատեղեր էին ստեղծվում: Վերջիվերջո, եթե դուք այս երկրի ապագայով մտահոգված գործիչներ եք, տարբերակեք ձեզ համար դոմինանտը՝ ռեցեսիվից. երկրի շահ, թե՞ անձնական ամբիցիաներ...