Գործի են անցել մի խումբ սադրիչներ՝ «Արարատցեմենտ»-ի աշխատակիցներին ապակողմնորոշելու համար
ՎԵՐԼՈՒԾՈՒԹՅՈՒՆՆԵՐ
Լենա Ավետիսյանն իր ֆեյսբուքյան էջում գրում է.
Դժվար գտնվի մեկը, ով տեղյակ չլինի Արարատ քաղաքում տեղի ունեցող իրադարձություններից։ Լայվերը ու համացանցում պտտվող նյութերը քիչ թե շատ ինֆորմացնում են հասարակությանը։
Մոտ մեկ ժամ առաջ Արարատցեմենտի աշխատակիցների հետ հանդիպեց Սեդրակ Առուստամյանը, ով հատ առա հատ պատասխանեց մտահոգված աշխատակիցների հարցերին (անկեղծ ասած, հարցուպատասխանից պարզ դարձավ, որ գործարանի աշխատակիցները բավարար տեղեկացված չեն, ու սխալ պատկերացում ունեն ստեղծված իրավիճակի մասին)։ Ու հենց հարցերին պատասխանելու ընթացքում բացահայտվեցին մի քանի «մտահոգ» քաղաքացիներ, ովքեր պատճառաբանելով, թե Արարատից են ու մտահոգված են աշխատակիցների ճակատագրով, սահրիչ հարցեր ուղղեցին, և այս ամենից զատ, նրանց քաղաքացիների մոտ թյուր կարծիք են ստեղծում գործարանում տիրող ներկա իրավիճակի մասին: Պարզվեց այս «մտահոգների խումբը» կլինկերի ներկրմամբ զբաղվող ընկերություններն են ուղարկել, և ի՞նչ է սա, եթե ոչ խաբեություն, այսչափ լուրջ հարցին ոչ ճիշտ ու հստակ մոտեցում։
Այստեղ հարցը ավելի քան պարզ է՝ Իրանից ներկրվող կլինկերի վրա տուրք պետք է դրվի, հակառակ դեպքում լինի դա Արարատցեմենտի, Հրազդանի, թե այլ գործարան, մրցակցային պայմաններին չի դիմանա, ու արդեն գործազուրկ 2000 աշխատակցի փոխարեն, ավելի մեծ թվեր կտեսնենք։
Երևի կհիշեք, որոշ ժամանակ առաջ Արարատցեմենտի գործարանը աշխատակիցների կրճատման խնդիր ուներ, սակայն Գագիկ Ծառուկյանի միջնորդությամբ, նրանք շարունակեցին աշխատել, եկեք այս դեպքը չնույնականացնենք ներկա իրավիճակի հետ, ի վերջո ինչքա՞ն կարելի է հույս դնել Ծառուկյանի գթասրտության ու ժողովրդին օգնելու պատրաստակամության վրա։
Դրված հարցը ավելի քան պարզ է, կկարողանա՞ն տեղական ցեմենտ արտադրողները շարունակել իրենց բնականոն գործունեությունը, պատասխանն էլ ավելի ակնհայտ՝ այո՛, եթե կլինկերի վրա տուրք դրվի, ու ստեղծվի առողջ մրացակցային դաշտ։
