Անհոգ խաղողագործ, ում կողքին կանգնած է «Մուլտի Գրուպ» կոնցեռնը՝ Ծառուկյանի գլխավորությամբ

Գևորգ Հակոբյանն իր ֆեյսբուքյան էջում գրում է.

Գարնանային գյուղատնտեսական աշխատանքների մեկնարկը կտրվի շուտով՝ հատկապես Արարատի և Արմավիրի մարզերում հողային աշխատանքները սկսվում են վաղ գարնանը։ Դրան ընդառաջ, այդ մարզեր է այցելել «Մուլտի Գրուպ» կոնցեռնի հիմնադիր Գագիկ Ծառուկյանը, ինչպես և ամեն տարի, նա հանդիպում է ունեցել տեղի խաղողագործների հետ, զրուցել նրանց հետ, լսել նրանց կարծիքներն ու խնդրանքները։ 
Այնուհետև, գյուղացիները եկան ստանալու ինքնարժեքով տրվող պարարտանյութն ու դեղորայքը, իսկ դրանց գումարը վճարվելու է մթերումից հետո, հաշվի առնելով, որ մինչ խաղողի մթերելը ոչ մի խաղողագործ չունի բավարար ֆինանսական միջոցներ՝ խաղողը մշակելու համար, հակառակ դեպքում խաղողագործները պետք է դիմեին բանկ, վարկ ստանալու նպատակով, իսկ «Մուլտի Գրուպ» կոնցեռնի հետ նրանք խուսափում են վարկ վերցնելու պրոբլեմատիկ գործընթացից։ Խաղողագործը գումարը ստանում է հենց մթերման պահին, երբ կշռվում է ամբողջ բերքը, դեղերի, հենասյուների ու պարարտանյութի գումարն էլ վճարում է տեղում, առանց ժամանակ կորցնելու։
Էլ չենք խոսում հայաստանյան շուկայի ամենաբարձր մթերման գնի մասին՝ 150 դրամ 1 կիլոգրամ խաղողի դիմաց։ 
Տպավորիչ է, երբ Շենավանի բնակիչներից մեկը խնդրանքով դիմեց Գագիկ Ծառուկյանին, ասելով, որ Շենավանում լուսավորություն չկա, ինչի անմիջապես հետևեց Ծառուկյանի արձագանքը՝ նա խոստացավ, որ 10 օրվա ընթացքում լուծում կտա այդ հարցին։
Անհոգ խաղողագործ, ում կողքին կանգնած է «Մուլտի Գրուպ» կոնցեռնը՝ Ծառուկյանի գլխավորությամբ։