Ապրիլի 7-ի ամենահիշարժան և մեծամասշտաբ իրադարձությունը դա Գ. Ծառուկյանի՝ Գյումրու երեխա սպասող կանանց բնակարաններ նվիրելն էր
ՎԵՐԼՈՒԾՈՒԹՅՈՒՆՆԵՐ
Կարեն Հակոբյանն իր ֆեյսբուքյան էջում գրում է.
Առջևում մայրության և գեղեցկության տոնն է և ակամայից վերհիշեցի տոնի կապակցությամբ իմ մեջ տպավորված ամենավառ իրադարձությունը: Խոսքը 2017 թվականի ապրիլի 7-ի Գագիկ Ծառուկյանի կողմից Գյումրիի տնակներում բնակվող բոլոր հղի կանանց բնակարաններ նվիրելու մասին է: Դա իրոք անակնկալ է եղել, քանի որ նախքան բուն իրադարձությունը ոչ ոք տնակներում բնակվողներից չի իմացել, թե ինչի համար են անցկացվում հարցումներ, թե տնակային ավաններում բնակվողներից ովքեր են երեխայի սպասում: Առաջնորդվելով «նոր երեխա նոր բնակարանում» կարգախոսով, անձամբ Ծառուկյանը հրահանգել է, որպես շահառու ընդգրկել երեխա սպասող կանանց: Սխալված չեմ լինի, եթե ասեմ, որ նման մեծամասշտաբ սոցիալական աջակցություն աղետի գոտու բնակիչներին՝ տոնի կապակցությամբ, երբեք չի գրանցվել և երբ հիշում եմ այդ ընտանիքների անդամների հայացքներն ու երախտիքի խոսքերն իրոք փշաքաղվում եմ: Շուրջ 20 տարի բնակվես տնակում /գյումրեցիները դոմիգ կսեն/ և մայրության ու գեղեցկության տոնի կապակցությամբ նման նվեր ստանալ. խոսքերն ավելորդ են թե ինչ զգացողություններ կունենան մարդիկ: Կարծում եմ դա ոչ միայն նյութական աջակցություն էր այդ ընտանիքներին, այլև բարոյահոգեբանական, երբ մարդկանց ապրելակերպը մինիմալ պայմաններից տեղափոխվում է հարմարավետի: Պատկերացնում եք, այդ նոր բնակարաններում ծնված երեխաները ի շնորհիվ այդ իրադարձության, չեն զգացել տնակներում ապրելու դառնությունները և հուսանք, որ ապագայում Գյումրու տնակայաին ավանների մասին միայն անցյալով կխոսենք:
