Վարուժան Ավետիսյանը հանդես է եկել հայտարարությամբ
ԱՄԵՆԱԸՆԹԵՐՑՎԱԾ
«Սասնա Ծռեր» խմբավորման խոսնակ Վարուժան Ավետիսյանը «Վարդաշեն» ՔԿՀ-ից հերթական հայտարարությամբ է հանդես եկել, որում ամսնավորապես ասվում է.
Մեր երկիրը զավթած ներքին թշնամին և նրա օտար տերերը հասկանում են, որ ս.թ. հուլիսի 17-ին ՛՛Սասնա Ծռերի՛՛ սկսած ապստամբությունը նորանոր ալիքներ է ունենալու:
Ուստի նրանք հետևողականորեն ձգտում են ստեղծել ապստամբության սրբազան իրավունքը կասկածի տակ առնելու և նույնիսկ դատապարտելի համարելու և մերժելու տրամադրություններ:
Նրանք ձգտում են մեզ ներչնչել, թե «քարի մեջ արյուն կա» և վախեցնել, որ «եղածն էլ կկորցնեք»:
Սակայն նրանց ջանքերը զուր են: «Սասնա Ծռերի» զինված ընդվզման կայծը վառել է ժողովրդի ոգու կրակը, և նա այլևս իր էպոսի մեջ է:
Ժողովուրդը գիտակցում է, որ մեր պարագայում ապստամբության իրավունքը ոչ միայն այս պահին ապրողների, այլև սերունդների ազատ և արժանապատիվ կյանքի, ազգային ապագայի, պետականության և Հայրենիքի իրավունքների երաշխիք է: Նա ոչ միայն հասկանում է, որ «քարի մեջ արյուն կա» և «եղածն էլ կկորցնեք» ասողներն իրականում ուզում են քարով ջարդել մեր գլուխը և եղածն էլ խլել մեզանից, այլև արդեն սարսափահար է արել Ցռան Վերգոյին, և իր Թուր Կեծակին է բարձրացնում «Մսրա Մելիք» համակարգին մեջտեղից կիսելու համար:
Կեցցե՝ ապստամբության սրբազան իրավունքը և այն էպոսային Հայքը, որ վաղն է գալու:
