Ասում է՝ ես խի՞ պետք է հարկ վճարեմ, ես հայտնի երգիչ եմ, մյուսն էլ հայտնի փաստաբան. Փաշինյան
ՔԱՂԱՔԱԿԱՆՈՒԹՅՈՒՆԲոլորը պետք է հստակ վերաբերմունք ունենան հարկեր վճարելու հանդեպ: Այս հարցը ԱԺ-ում կառավարության ծրագիրը ներկայացնելիս իր ելույթում բարձրացրեց ՀՀ վարչապետ Նիկոլ Փաշինյանը:
«Ում ուզում ես մոտենաս, ասես՝ պետք է հարկ վճարես. մեկը հայտնի երգիչ է, մեկը՝ հայտնի փաստաբան, մեկը՝ մտավորական, մյուսը՝ հայտնի… երիտասարդ: Ասում է՝ ես խի՞ պետք է հարկ վճարեմ, էս ինչ խայտառակություն է. հարկել երգչին:
Խնդիրն ըստ նրա այն է, որ բոլորը ողջունում են տնտեսական հեղափոխության կոչերը, կոռուպցիայի, մենաշնորհների դեմ պայքարը, բայց միայն դիտորդի կարգավիճակում, իրենք ոչ մի պարտավորություն այդ պայքարում չունենան, պարտավորությունները կրեն միայն գերատեսչությունները: «Բայց չէ՞ որ այդ հարկերի հավաքագրման արդյունքում են ձևավորվում նաև աշխատավարձերը: Ասում են՝ էս կանեք, էն կանեք, ու լավ կլինի՝ աշխատավարձ չստանաք»,-ընդգծեց Փաշինյանը:
