Հերթական անգամ ականատես ենք լինում Պալաչի բարոյազուրկ կերպարին
ՀԱՍԱՐԱԿՈՒԹՅՈՒՆ
Լյովա Մնացականյանը ֆեյսբուքյան իր էջում գրում է.
Երեկ ողջ համացանցն իրարանցման մեջ էր, պատճառը նախկին ոստիկանապետ Վլադիմիր Գասպարհանի նկատմամբ քրեական գործ հարուցելու մասին քննչական կոմիտեի հայտարարությունն էր: Այս ամենի մեջ սակայն, զավեշտալի բաղադրիչ կա: Պարզվում է անձը, ով իր իսկ գործողություններով հասկացնել տվեց, որ առնչություն ունի թեմայի հետ, այսօր լրատվականներից մեկին հարցազրույցի շրջանակներում ասել է, թե իր խնդիրը Վլադիմիր Գասպարյանի հետ չէ, այլ Գագիկ Ծառուկյանի: Ասվածի աբսոուրդության աստիճանը ընդգծելու համար նշենք, որ այդ անձը հանրությանը «Պալաչ» մականվամբ հայտնի, Արթուր Հարությունյանն է: Ոչ վաղ անցյալում, այս նույն փորսուղը, ով նպատակուղղված կերպով փորձում է շահարկել Ծառուկյանի անունն ու ինչ-որ անտեղի ու անտրամաբանական մեղադրանքներ է ներկայացնում պարբերաբար, նախկինում ոչ մեկ անգամ է աչքի ընկել այդ դրսևորմամբ, սակայն որոշ ժամանակ անց, հասկանալով իր սխալն ու ճղճիմության աստիճանը, կրկին ներողություն է խնդրել Ծառուկյանից և հերքել իր նախկինում արված հայտարարությունները: Այս պատմության սկիզբը շառլատան Պալաչի այն հայտարարություններն էին, թե «Գագիկ Ծառուկյան» բարեգործական հիմնադրամի անվճար հիմունքներով շահագործվող երթուղայինները իր սնանկացման պատճառն են հանդիսացել: Հավելենք, որ այս չստացված բիզնեսմանեը, բացարձակ զուրկ է բիզնես հոտառությունից և չի տիրապետում տարրական գործառույթների: Իր իսկ ծանոթների ու մտերիմների անշարժ և թանկարժեք ունեցվածքները գրավադրելով, ներքոնշյալ այս լպրծունը, փոխանակ իր վարկային պարտականությունները կատարեր, ցոփ ու շվայթ կյանքով էր ապրում: Աջ ու ձախ մեծ գումարներ էր մսխում, թանկարժեք ավտոմեքենաներ էր գնում, մի խոսքով ճոխ կյանքով էր ապրում այն դեպքում, երբ բանկերի նկատմամբ նրա պարտավորվածությունները օդի մեջ էին: Արդյունքում այս փորսուղը հանգեց նրան, որ սնանկացավ, ինչն իմիջայլոց որոշ իրավաբաններ պնդում են, որ միտումնավոր է արվել և բացարձակ կապ չունի բարեգործական երթուղայինների հետ, և դատարանը պետք է բռնագանձեր գրավի դիմաց ներկայացված անշարժ ու շարժական գույքն ու թանկարժեք առարկաները: Այդպես էլ եղավ, Պալաչն իր խելքից ու սխալ բիզնես քաղաքականության արդյունքում սնանկացավ, որից հետո ուղղակի փախավ երկրից՝ կրակը գցելով իր հարազատներին, ընկերներին ինչպես նաև հորն ու մորը, որոնց բնակարանը՝ Պալաչի հայրական օջախն, այս ստահակը ևս գրավադրել էր: Այս ամենի մասին տեղեկանալով, Գագիկ Ծառուկյանը Պալաչին մոտ 200.000 ԱՄՆ դոլար գումար տվեց, որպեսզի իր հարցերը կարգավորի, բայց նա թռավ երկրից: Ծառուկյանն այս պարագայում ևս գթասրտություն ցուցաբերեց և նրա հայրական տունը, ավտոլվացման կետն ու բենզալցակայանը հետ գնեց բանկից և վերադարձրեց Պալաչի ծնողներին: Այսքանից հետո այս անբարոյականը, հեռվից շարունակում է իր սրիկայություններն ու կրկին շահարկում է այն մարդու անունը, ով այդքան ձեռք է մեկնել նրան՝ դժվարին պահերին: Պալաչի մարդկային արժեհամակարգի մասին պատկերացումները կարծում ենք ակնհայտ է և փաստ է նաև, որ անկախ նրա բարբաջանքներից, քննչական կոմիտեում ներկա պահին քննություն է ընթանում և նոր հանգամանքների ի հայտ գալուն պես, հանրությունը կիրազեկվի: Փաստ է նաև, որ Պալաչի բոլոր մեղադրանքներն ուղղված Ծառուկյանին մերկապարանոց են, դրա մասին է վկայում նաև այն, որ այսքան տարիների ընթացքում ոչ մի պատկան մարմին նրա այդ անհոդաբաշխ հայտարարություններին, որոնք բացարձակ անհիմն են, տուրք չեն տվել: Կարծում ենք այս լպրծունի ամենամեծ պատիժն այն կլինի, որ նրան պատասխանատվության ենթարկեն՝ զրպարտության համար, հակառակ պարագայում այս հիվանդագին հակումներով անձնավորությունը արդեն իսկ վտանագավոր է դառնում:
Վստահ ենք արդարությունը կվերականգնվի և Պալաչի դիմակը վերջնականապես պատռվելուց հետո, նրա քիթը կքսվի գետնին և մյուս անգամ մարդկանց հասցեին անտեղի մեղադրանքներ հնչեցնելուց առաջ լավ կմտածի:
