Եթե չեք կարողանում դիմակայել բարձր վարկանիշին, ուրեմն թուլացեք ու հաճույք ստացեք
ՀԱՍԱՐԱԿՈՒԹՅՈՒՆ
Լյովա Մնացականյանը ֆեյսբուքյան իր էջում գրում է.
Լրատվական դաշտն ապականած ու լրագրողական էթիկան բառի բուն իմաստով բռնաբարած կայքը՝ mamul.am անունը կրող, դարձյալ իր ռեպերտուարի մեջ է: Նախընտրական քարոզարշավի շրջանակներում, բազմաթիվ մարգինալացված և քաղաքականապես իմպոտենտ ուժեր, չկարողանալով հավուր պատշաճի ներկայանալ հանրությանը, ավելի էժան տարբերակ են գտել՝ խորհրդարան սողոսկելու համար: Մասնավորապես, վերոնշյալ կայքին օգտագործելով որպես հակաքարոզչության և զրպարտության գործիք, հոդված են պատվիրում բարձր վարկանիշ ունեցող գործիչների և նրանց ղեկավարած քաղաքական ուժերի դեմ, և աղոթում բարձրյալին, որպեսզի իրենց վարկանիշը գոնե չնչին բարձրանա և հայտնվեն խորհրդարանում:
Անզեն աչքով էլ երևում է, որ ներկա դրությամբ, դաշտում ամենաբարձր վարկանիշ ունեցող գործիչներից է նաև Գագիկ Ծառուկյանը և տրամաբանորեն այդ բորենիների ոհմակն իրենց կեղտոտ պատվերները հենց նրա անունով էլ իջեցնում են: Ամեն ինչ ավելի սրվեց երեկվանից, երբ Գագիկ Ծառուկյանը քարոզարշավի շրջանակներում գտնվում էր Արմավիրի մարզում: Չափազանց ջերմ և մարդաշատ ընդունելությունն իսկական մղձավանջ էր որոշ չկայացած կամ արդեն իսկ ժամկետնանց քաղաքական ուժերի ղեկավարների համար, ինչի կապակցությամբ էլ սկսվեց արշավն ընդդեմ Ծառուկյանի և ԲՀԿ-ի: Փորձում են Ծառուկյանի երեկվա ելույթը, որտեղ նա հայտարարեց, որ Անգլիայից լորդեր և լորդուհիներ են ժամանաել և ցանկություն են հայտնել համագործակցել իր հետ, ինչ-որ կերպ նսեմացնել: Նախ նշենք ի գիտություն, լորդուհին դա կին լորդին կամ բարոնուհուն դիմելու ձևն է և միանգամայն կիրառելի է խոսակցականում, սա հատուկ անգրագետների համար, ովքեր դա են փորձում շահարկել: Երկրորդ, միթե կարծում եք, որ նման էժանագին ֆոկուսներով, կկարողանաք արդյունքի հասնել: Ծառուկյանի վարկանիշը չափազանց բարձր է նման կերպով դրա վրա ազդեցություն գործելու համար, այնպես որ, եթե չեք կարողանում դիմակայել, թուլացեք ու հաճույք ստացեք:
Հերիք չի mamul.am-ին, որպես ապատեղեկատվություն տարածելու գործիք եք դաձրել, հիմա էլ դրդում եք քայլերի, ինչից հետո արժանանալու են հասարակության հայհոյանքներին ու անարգանքի խոսքերին: Չփորձեք ԲՀԿ-ին ներքաշել ձեր կեղտոտ խաղերի մեջ, հավատացած եղեք, դրանից հաստատ ԲՀԿ-ի վարկանիշը չի տուժելու, վերջիվերջո հանրությունը վտահում է այն քաղաքական գործչին կամ ուժին, որոնք իրենց խոսքը գործով են ապացուցել, իսկ այդ առումով ԲՀԿ-ն ի դեմս նախագահ Գագիկ Ծառուկյանի, ուղղակի անխոցելի են:
