Պավել Մանուկյանի խափանման միջոցը չփոխվեց՝ նա կմնա կալանքի տակ
ՊԱՏՄՈՒԹՅԱՆ ԱՅՍ ՕՐԸ
Վերաքննիչ դատարանում քիչ առաջ ավարտվեց «Սասնա ծռեր» խմբավորման անդամ Պավել Մանուկյանի գործով դատական նիստը: Խափանման միջոցի՝ կալանքի անփոփոխ մնալու մասին դատարանի վճռին մասին լրագրողներին հայտնեց Պավել Մանուկյանի պաշտպաններից Հարություն Բաղդասարյանը:
Այդ պահին նրան դեռևս տրամադրված չէր դատարանի վճիռը, սակայն պաշտպանը ենթադրում է, որ հիմնավորումը կլինի այնպիսին, ինչպիսին մյուսների դեպքում էր: Որ, մոտավորապես, իր պաշտպանյալը, ազատության մեջ մնալով, կարող է խուսափել, թաքնվել կամ խոչընդոտել գործի քննությանը:
Հիշեցնենք, որ այսօր «Դատապարտյալների հիվանդանոց»-ում նախատեսվում է Պ. Մանուկյանի վիրահատությունը: Պաշտպանների խմբից Ինեսսա Պետրոսյանը ավելի վաղ հայտնել էր, որ Պ. Մանուկյանի որդու՝ Արամի առողջական առումով մյուսների համեմատ բավարար է. նա արդեն քայլելու փորձեր է անում:
Նույն դատարանում այսօր ևս մեկ անգամ, մինչև օգոստոսի 24-ը հետաձգեց Անդրիաս Ղուկասյանի նկատմամբ ընտրված խափանման միջոցի՝ կալանքի դեմ բողոքի քննությունը։
Հիշեցնենք, որ երեկ Ա. Ղուկասյանը ցանկություն էր հայտնել ներկա լինել իր դատական նիստին, և նրա փաստաբաններ Լուսինե Սահակյանն ու Երվանդ Վարոսյանը միջնորդություն էին ներկայացրել դատարանին՝ ապահովելու իրենց պաշտպանյալի ներկայությունը դատական նիստին:
Այսօր դատարանը բավարարեց միջնորդությունը, սակայն դատական նիստը տեղափոխեց օգոստոսի 24:
