Բոլթոնի հայտարարություններում բոլորովին վտանգ չեմ տեսնում. ԱԳ փոխնախարար
ՀԱՍԱՐԱԿՈՒԹՅՈՒՆԵս Հայաստանի փոխարտգործնախարարն եմ, ոչ թե ԱՄՆ-ի, չեմ ուզում մեկնաբանել պարոն Բոլթոնի հայտարարությունը։ Այս մասին, այսօր՝ հոկտեմբերի 31-ին, լրագրողների հետ զրույցում նշեց Հայաստանի ԱԳ փոխնախարար Ռուբեն Ռուբինյանը՝ անդրադառնալով ԱՄՆ նախագահի անվտանգության հարցերով խորհրդական Ջոն Բոլթոնի Հայաստանում արած հայտարարություններին:
«Ես կարող եմ ասել, որ Արցախի հարցի ցանկացած լուծում պետք է լինի համաձայնեցված եւ ընդունելի Հայաստանի Հանրապետության եւ Արցախի ժողովուրդների համար։ Իսկ թե որ սկզբունքներն են ընդունելի հայկական կողմի համար, հայտնի է բոլորին»,- ասաց նա։
Հարցին՝ արդյոք վտանգ տեսնո՞ւմ է ԱՄՆ պաշտոնյայի հայտարարության մեջ, նա արձագանքեց. «Բոլորովին»:
Ավելի վաղ NEWS.am-ը Հայտնել էր, որ Ջորն Բոլթոնը կոչ էր արել Հայաստանին դուրս գալ «պատմական կաղապարներից»: Նա հայտարարել էր, որ ԱԺ արտահերթ ընտրություններից հետո Նիկոլ Փաշինյանը բարձր լեգիտիմություն կունենա եւ կարող է ԼՂ խնդրի կարգավորման հարցում «առաջնորդություն» ստանձնել: Խոսել էր նաեւ ամերիկյան զենք գնելու հնարավորության մասին, քանի որ «ամերիկյան զենքը ռուսականից լավն է»:
