Մոնրեալում հազարավոր մարդիկ են բողոքի ակցիայի դուրս եկել կրոնական հագուստի արգելքի դեմ. CBC
ՄԻՋԱԶԳԱՅԻՆՄոնրեալում մի քանի հազար մարդ Է դուրս եկել բողոքի ակցիայի՝ պետական ծառայողների կողմից աշխատավայրում հագուստի բոլոր կրոնական ատրիբուտներ կրելու արգելքի մասին օրենք ընդունելու Քվեբեկի նահանգի իշխանությունների պլանների դեմ: Հոկտեմբերի 7-ին այս մասին հայտնել Է CBC հեռուստաալիքը, տեղեկացնում Է «Արմենպրես»-ը:
Ակցիան տեղի Է ունեցել Քվեբեկի այդ խոշորագույն քաղաքի կենտրոնական մասում եւ ավարտվել Է առանց պատահարների: Դրա մասնակիցները նահանգի կառավարության այդ նախաձեռնությունը համարում են ռասիզմի դրսեւորում եւ իրենց իրավունքներն ու ազատությունները խախտելու փորձ: Շատերը բողոքի Էին եկել հիջաբներով եւ կրոնական այլ հագուստներով, որոնք փակում են գլուխը կամ դեմքը: «Հիջաբն իմ մի մասն Է, եւ ես կարծում եմ, որ իշխանությունները չպետք Է մարդկանց ճնշեն նրանց հագուստի համար»,- հեռուստաալիքին հայտարարել Է ցույցի մասնակից կանանցից մեկը:
Հոկտեմբերի 1-ին Քվեբեկում կայացած ընտրություններում հաղթանակ Է տարել «Կոալիցիա հանուն Քվեբեկի ապագայի» (ԿՀՔԱ) աջ կենտրոնամետ կուսակցությունը: Կուսակցության առաջնորդ եւ տարածաշրջանի նոր վարչապետ Ֆրանսուա Լեգոն արդեն հայտարարել Է, որ ԿՀՔԱ-ն մտադիր Է ընդունել օրենք պետական ծառայողների, այդ թվում՝ ոստիկանների, ուսուցիչների եւ դատավորների կողմից աշխատավայրում հագուստի բոլոր կրոնական ատրիբուտները կրելու արգելքի մասին, հաղորդել Է ՏԱՍՍ-ը:
